გართულებები
ფილტვისმიერი გული (cor pulmonale) არის გული მარჯვენამხრივი უკმარისობა, რომელიც მეორადად ვითარდება გახანგრძლივებული ფილტვის ქრონიკული ობსტრუქციული დაავადების (COPD) შედეგად. ის გამოწვეულია ქრონიკული ჰიპოქსიით და ფილტვის სისხლძარღვების შევიწროებით(ვაზოკონსტრიქცია) ,რაც თავის მხრივ, ფილტვის ჰიპერტენზიას და გულის მარჯვენამხრივი უკმარისობის მიზეზია.
გადაბერილი საუღლე ვენები, გაძლიერებული P2, ქვედა კიდურების შეშუპება და ჰეპატომეგალია ფილტვისმიერი გულის ნიშნებია.
გახანგრძლივებული ოქსიგენოთერაპია მკურნალობის ძირითადი საშუალებაა. საჭიროა ფქოდ-ის თერაპიის ოპტიმიზაცია. მიზანშეწოილია შარდმდენების გონივრული გამოყენება.[261]
ფქოდ-ი ფილტვის კიბოს რისკფაქტორია, თამბაქოსთან ექსპოზიციისგან დამოუკიდებლად. პოპულაციურმა კოჰორტულმა კვლევამ აჩვენა, რომ ანამეზში მწეველობის და COPD-ის არმქონე პირებთან შედარებით, COPD-ით დაავადებულ ანამნეზში მწეველობის არმქონე, ანამეზში მწეველობის მქონე და COPD-ის არმქონე, ანამეზში მწეველობის და COPD-ის მქონე პირების შემთხვევაში ფილტვის კიბოს სრულად დაკორექტირებული საშიშროების მაჩვენებელი იყო 2.67, 1.97. და 6.19, შესაბამისად.[265]
განმეორებითი პნევმონია COPD-ის გავრცელებული გართულებაა და დაავადების გამწვავების ხშირ მიზეზს წარმოადგენს. პნევმონია შეიძლება განაპირობოს როგორც ვირუსულმა, ასევე ბაქტერიულმა ინფექციამ.
ფილტვის და სასუნთქი გზების ქრონიკული დაზიანება, ანთება, შესუსტებული ცილიარული ფუნქცია და ბაქტერიებით კოლონიზაცია ინფექციებისადმი მოწყვლადობის ზრდის სავარაუდო მიზეზებია. საინჰალაციო კორტიკოსტეროიდების გამოყენება ასევე ასოცირდება პნევმონიის გაზრდილ რისკთან COPD-ის მქონე პაციენტებთან.[118][258][259]
ანტიბიოტიკოთერაპიას გარკვეულწილად სარგებლიანია[260] ჩვეულებრივ მკურნალობის ხანგრძლივობაა 7-14 დღე. შესაბამისი დაფარვა Haemophilus influenzae-ს და Streptococcus pneumoniae-სთვის სავალდებულოა. პნევმოკოკზე ვაქცინაცია მკაცრად რეკომენდებულია ფქოდ-ის მქონე პაციენტებისთვის.
დეპრესია COPD-ის ხშირი შედეგია. არსებული მონაცემებით COPD-ით დაავადებულ პაციენტებთან სუიციდი 1,9-ჯერ უფრო ხშირია, ვიდრე COPD-ის გარეშე.[148] თუ განვითარდა გუნება-განწყობილების ცვლილებები, შეიძლება საწირო გახდეს ფსიქიატრის ჩართვა.
ვლინდება სუბ-პლევრული ბულის ფორმირების და გაგლეჯის გამო ფილტვის პარენქიმის დაზიანების დროს. სპონტანური პნევმოთორაქსი საკმაოდ გავრცელებულია ქრონიკული მძიმე ხველის ან გულმკერდის ტრავმის დროს და შეიძლება იყოს სიცოცხლისთვის საშიში.
საფუძვლიანი ვარაუდი არის საჭირო დროული დიაგნოსტირებისთვის. გულმკერდის რენტგენი და გულმკერდის CT (კომპიუტერული ტომოგრაფია) ადასტურებს დიაგნოზს.[Figure caption and citation for the preceding image starts]: გულმკერდის CT : მძიმე COPD ცვლილებები, მარჯვენამხრივი პნევმოთორაქსიManoochehr Abadian Sharifabad, MD -ის კოლექციიდან [Citation ends].
მცირე შემთხვევების დროს შეიძლება საკმარისი იყოს კონსერვატიული მართვა. მძიმე ფორმების დროს, საჭირო ხდება გულმკერდის დრენაჟის ჩადგმა დაძაბული პნევმოთორაქსის და ჰემოდინამიკის დარღვევის პროფილაქტიკისთვის. განმეორებითი პნევმოთორაქსის შემთხვევაში გამართლებულია ქირურგიული ინტერვენცია, კერძოდ ვიდეო კონტროლით მიმდინარე თორაკოსკოპიული პლევროდეზი ან ბულექტომია.
მწვავე სუნთქვითი უკმარისობის მქონე ფქოდ-ით დაავადებული დიდი რაოდენობის პაციენტების კვლევის თანახმად, მათი ჰოსპიტალური სიკვდილობა შეადგენდა 17-49%-ს.[257] თერაპია მოიცავს არაინვაზიური დადებითი წნევით ვენტილაციას და/ან მექანიკურ ვენტილაციას.
ანემია უფრო პრევალენტურია, ვიდრე მანამდე მიიჩნევდნენ და გვხვდება ფქოდ-ის მქონე პაციენტთა თითქმის 25%-ში.[262] ხანგრძლივი ოქსიგენოთერაპიის ქვეშ მყოფ პაციენტებში დაბალი ჰემატოკრიტი მიანიშნებს არასასურველ პროგნოზზე.[263] ერთმა მეტა-ანალიზმა აჩვენა, რომ თანმხლები ანემიის მქონე პაციენტები უფრო მეტ დროს ატარებდნენ საავადმყოფოში, ვიდრე პაციენტები ანემიის გარეშე და ასევე მათთან მაღალი იყო სიკვდილობის მაჩვენებელი.[264]
მეორადი პოლიციტემია ვითარდება არტერიული ჰიპოქსემიის დროს, განსაკუთრებით ხანგრძლივაად მწეველებში. დასტურდება ჰემატოკრიტის მაჩვენებლით, როდესაც ის 55% აჭარბებს, ხშირია საჭიროება ოქსიგენაციისა/დამატებითი ჟანგბადით სახლის პირობებში
ამ მასალის გამოყენება ექვემდებარება ჩვენს განცხადებას