პროგნოზი
ფილტვის ქრონიკული ობსტრუქციული დაავადება(COPD) ცვალებადი მიმდინარეობისა და ვარიაბელური პროგნოზის მქონე დაავადებაა. მისი პროგნოზი დამოკიდებულია რამოდენიმე ფაქტორზე, მათ შორის გენეტიკურ განწყობაზე, გარემო ფაქტორთა ექსპოზიციაზე, კომორბიდულ ფონზე და შედარებით ნაკლები ხარისხით - დაავადების გართულებებზეც.
მიუხედავად იმისა, რომ ფქოდ-ისა და სუნთქვის უკმარისობის მქონე პაციენტებში ხანმოკლე გადარჩენადობა დამოკიდებულია მწვავე დაავადების საერთო სიმძიმეზე, ხანგრძლივ გადარჩენადობაზე, პირველ რიგში, ზემოქმედებს ფქოდ-ის სიმძიმე და თანმხლები მდგომარეობების არასებობა. ტრადიციულად, პროგნოზი ეყრდნობოდა FEV1-ის მაჩვენებელს, რაც ფილტვის ფუნქციის ტესტირების ნაწილია. მეტა-რეგრესიულმა ანალიზმა სარწმუნო კორელაცია აჩვენა FEV1-ის მატებასა და COPD-ის გამწვავების რისკის შემცირებას შორის.[249]
FEV1-ის გარდა, სხვა ფაქტორები, რომელთა მიხედვით შეიძლება პროგნოზის წინასწარ განსაზღვრა, არის წონა (ძალიან დაბალი წონა არის უარყოფითი პროგნოზული ფაქტორი, ერთი მეტა-ანალიზით გამოვლენილია მნიშვნელოვანი კავშირი სხეულის მასის დაბალ ინდექსსა და FEV1-ის დაჩქარებულ კლებას შორის), 6 წუთიანი სიარულის ტესტის დროს გავლილი მანძილი და აქტივობების დროს განვითარებული სუნთქვის გაძნელების ხარისხი.[250][251] ეს ფაქტორები, რომლებიც ცნობილია როგორც სხეულის მასის ინდექსი, ჰაერგამტარი გზების ობსტრუქცია, ქოშინი და ვარჯიშის (BODE) ინდექსი, შეიძლება გამოყენებულ იქნას 1-წლიანი, 2-წლიანი და 4-წლიანი გადარჩენის შესახებ საპროგნოზო ინფორმაციის მისაღებად.[252] ერთმა კვლევამ აჩვენა, რომ პლაზმის პრო-ადრენომედულინის კონცეტრაციას და BODE ინდექსს ერთად უკეთესი პროგნოზული პოტენციალი აქვს, ვიდრე BODE იდექსს ცალკე.[253] ადრენომედულინის, არგინინის ვაზოპრესინის, წინაგულების ნატრიურეზული პეპტიდის და C-რეაქტიული ცილის მატება სიკვდილის გაზრდილ რისკთან ასოცირდება სტაბილური COPD-ის მქონე პაციენტებში.[254][255] გაერთიანებული სამეფოს გაიდლაინები არ გირჩევთ BODE ინდექსის გამოყენებას პროგნოზის შესაფასებლად.[2]
უკანასკნელ პერიოდში, ფქოდ-ის მიმდინარეობის პროგნოზის დასადგენად, მეტი ყურადღება ეთმობა თანმხლებ დაავადებებს და გამწვავებებს წარსულში. ფქოდ-დიაგნოსტირებულ პაიენტებთან პრგნოზის დასადგენად CODEX ინდექსი (თანმხლები დაავადებები, ობსტრუქცია, დისპნოე და მძიმე გამწვავებები წარსულში) მიიჩნევა უპირატესად BODE ინდექსთან შედარებით.[256] ფქოდ-ის დროს ცუდი პროგნოზულ მარკერებია დაავადების ხშირი გამწვავება და სუნთქვის უკმარისობის მიზეზით მრავალჯერადი ინტუბაცია/ინვაზიური მექანიკური ვენტილაცია.[257]
ფქოდის დროს სხვადასხვა თერაპიულ საშუალებებს შორის გადარჩენადობის გაუმჯობესებაზე მხოლოდ ორი ფაქტორი მოქმედებს: მოწევის შეწყვეტა და ხელოვნური ჟანგბადით მომარაგება.
[ BODE ინდექსი ფქოდ გადარჩენადობის პროგნოზირებისთვის Opens in new window ]
ამ მასალის გამოყენება ექვემდებარება ჩვენს განცხადებას