ფქოდ - ფილტვის ქრონიკული ობსტრუქციული დაავადება

პროგრესირებადი,შეუქცევადი დაავადება, რომელიც ხასიათდება სასუნთქ გზებში ჰაერის ნაკადის შეზღუდვით.

ეჭვი შეგვაქვს მწეველებში, პროფესიული და ეკოლოგიური რისკ-ფაქტორის ან ფილტვის ქრონიკული დაავადების ოჯახური ანამნეზის მქონე პირებში.

გამოიხატება პროგრესირებადი ქოშინით, მსტვინავი სუნთქვით, ხველით და ნახველით, მათ შორის სისხლიანი ნახველით.

დიაგნოსტიკური ტესტებია: ფილტვის ფუნქციური ტესტები, გულმკერდის რენტგენოგრაფია, გულმკერდის CT სკაირება, ოქსიმეტრია და არტერიული სისხლის აირების ანალიზი.

პაციენტს ხელი უნდა შევუწყოთ, რომ შეწყვიტოს მოწევა, თავიდან აირიდოს პროფესიული ექსპოზიცია და ჩაიტაროს გრიპისა და Streptococcus pneumoniae-ს აცრები.

სამკურნალოდ გამოიყენება ბრონქოდილატატორები, საინჰალაციო კორტიკოსტეროიდები და სინთეზური კორტიკოსტეროიდები.

ფილტვის მძიმე ქრონიკულ ობსტრუქციულ დაავადების(COPD) დროს ხანგრძლივი ოქსიგენოთერაპია ხელს უწყობს სიცოცხლის გახანგრძლივებას.

ფილტვის ქრონიკული ობსტრუქციული დაავადება (COPD) არის პრევენცირებადი დაავადება და მისი მკურნალობაც შესაძლებელია. ის ხასიათდება ჰაერის ნაკადის დინების შეზღუდვით, რომლის სრულად აღდგენაც არ ხდება. COPD მოიცავს ემფიზემასა და ქრონიკულ ბრონქიტს. სასუნთქი გზებში ჰაერის ნაკადის დინების შეზღუდვა, ჩვეულებრივ, პროგრესირებადია და დაკავშირებულია ტოქსიკური ნაწილაკების ან აირების მიმართ ფილტვის პათოლოგიური ანთებითი რეაქციის განვითარებასთან. პირველ რიგში, გამომწვევ აგენტად გვევლინება თამბაქო. ფილტვის ქრონიკული ობსტრუქციული დაავადება (COPD) აზიანებს არა მხოლოდ ფილტვებს, არამედ ასევე იწვევს მნიშვნელოვან სისტემურ ცვლილებებს. დაავადების გამწვავებები და კომორბიდული შემთხვევები მნიშვნელოვან გავლენას ახდენენ პაციენტების ზოგად მდგომარეობასა და პროგნოზზე.[1]Global Initiative for Chronic Obstructive Lung Disease (GOLD). Global strategy for the diagnosis, management, and prevention of chronic obstructive pulmonary disease. 2018 [internet publication]. https://goldcopd.org/wp-content/uploads/2017/11/GOLD-2018-v6.0-FINAL-revised-20-Nov_WMS.pdf