შემთხვევის ანამნეზი
შემთხვევის ანამნეზი #1
61 წლის მამაკაცმა მიმართა საავადმყოფოს ცხელებით, მშრალი ხველით და სუნთქვის გაძნელებით. ასევე აღნიშნავს, რომ ძალიან დაღლილია და თავს შეუძლოდ გრძნობს. ანამნეზში აქვს ჰიპერტენზია, რომელსაც ენალაპრილით მართავს. გასინჯვისას პულსი არის 120 დარტყმა წუთში, ხოლო ტემპერატურა 38.7°C (101.6°F), ჟანგბადით გაჯერების მაჩვენებელი 88%. გამოიყურება მწვავედ. კლინიკაში პაციენტი იზოლირებულ ოთახში მოთავსდა. დაიწყო ჟანგბადის, ინტრავენური სითხეების მიცემა და ვენური თრომბოემბოლიის პროფილაქტიკა. დაინიშნა სისხლის და ნახველის კულტურები. გულმკერდის რენტგენზე ვლინდება ფილტვის ორმხრივი ინფილტრატები. კომპიუტერულ ტომოგრაფიაზე ჩანს მრავლობითი ორმხრივი წილაკოვანი და სუბსეგმენტური დაჩრდილვა, მქრქალი მინისებრი სურათით. ცხვირ-ხახის ნაცხი გაიგზავნა რეალურ დროში უკუტრანსკიპტაზას პოლიმერაზული ჯაჭვური რეაქციის ტესტირებაზე. მომდევნო რამდენიმე საათის განმავლობაში მოვიდა დადებითი შედეგი მძიმე მწვავე რესპირატორული სინდრომის კორონავირუს 2-ზე (SARS-CoV-2).
შემთხვევის ანამნეზი #2
26 წლის ქალი ნამგლისებრუჯრედოვანი დაავადებით უჩივის ყელის ტკივილს და გემოს დაკარგვას. პაციენტს არ აღენიშნება ცხელება და ვერ იხსენებს COVID-19-ის დადასტურებულ შემთხვევასთან კონტაქტს. ტესტირების შემდეგ მას ურჩევენ სახლში წასვლას და სიმპტომების დამძიმების შემთხვევაში ექიმთან დაკავშირებას. დადასტურდა, რომ ნაცხი დადებითია SARS-CoV-2-ზე იმავე დღეს. კლინიცისტი ურეკავს მას მკურნალობის ვარიანტების განსახილველად, ჰოსპიტალიზაციის მაღალი რისკის გათვალისწინებით.
სხვა გამოვლინებები
სხვა გამოვლინებების შესახებ დამატებითი ინფორმაციისთვის იხილეთ დიაგნოსტიკური რეკომენდაციები.
ამ მასალის გამოყენება ექვემდებარება ჩვენს განცხადებას