ეპიდემიოლოგია
2019 წელს მთელ მსოფლიოში ქვედა სასუნთქი გზების ინფექციებმა 489 მილიონი ადამიანი დააზარალა და დაახლოებით 2,5 მილიონი ადამიანის სიკვდილის მიზეზი გახდა. პნევმონიით ყველაზე მეტად დაზარალდნენ 5 წლამდე ასაკის ბავშვები და 70 წელზე უფროსი ასაკის პაციენტები . ყველაზე მაღალი სიკვდილიანობა იყო 70 წელზე უფროსი ასაკის პაციენტებში. ქვედა სასუნთქი გზების ინფექციები იყო მსოფლიოში 2019 წელს ინფექციური დაავადებებით გამოწვეული სიკვდილიანობის წამყვანი მიზეზი .[3][4]
აშშ-ში საზოგადოებაში შეძენილი პნევმონიის ყოველწლიური სიხშირე შეადგენს 24.8 შემთხვევას 10 000 ზრდასრულ ადამიანზე.[5] აშშ-ში 2016 წელს ერთდროულად პნევმონია და გრიპი იყო სიკვდილის რიგით მერვე მიზეზი (13.5 სიკვდილის შემთხვევა 100 000 ადამიანზე) და ინფექციის მთავარი მიზეზი.[6] აშშ-ში ჰოსპიტალიზაციის წლიური მაჩვენებელი ≥65 წელზე უფროსი ასაკის ადამიანებისთვის მერყეობს 847-დან 3500-მდე 100000 ადამიანზე; ეს მაჩვენებელი უფრო დაბალია <65 წელზე ნაკლები ასაკის ადამინებში (89-დან 1138-მდე 100000 ადამიანზე).[7]
დიდ ბრიტანეთში, ყოველწლიურად ზრდასრულთა 0.5-1%-ს უვითარდება საზოგადოებაში შეძენილი პნევმონია. ზოგადი პრაქტიკის ექიმებთან ქვედა სასუნთქი გზების ინფექციით მისული ზრდასრულებიდან, საზოგადოებაში შეძენილი პნევმონიის დიაგნოზი დგინდება პაციენტთა 5-15%-ში. ამ პაციენტთაგან, 22-42% ჰოსპიტალიზდება, ხოლო სიკვდილობის მაჩვენებელი მერყეობს 5-14%-მდე.[8]
ამ მასალის გამოყენება ექვემდებარება ჩვენს განცხადებას