ფილტვის ქრონიკული ობსტრუქციული დაავადების გამწვავება

ფილტვის ქრონიკული ობსტრუქციული დაავადების გამწვევება, როგორც წესი, ვლინდება დისპნოეს მომატებული დონით, ქრონიკული ხველის გაუარესებით და/ან წარმოქმნილი ნახველის მოცულობის და/ან ჩირქის შემადგენლობის მომატებით.

გამწვავება შეიძლება ფქოდ-ის პირველი გამოვლენა იყოს

მკურნალობა მოიცავს ბრონქოდილატატორებს, სისტემურ კორტიკოსტეროიდებს, ჟანგბადს და ანტიბიოტიკებს. შედარებით მძიმე გამწვავებების მქონე პაციენტებს შესაძლოა დასჭირდეთ სასუნთქი აპარატის დახმარება.

ანტიბიოტიკები შეიძლება შევინახოთ იმ გამწვავებებისთვის, რომლებიც, სავარაუდოდ, ბაქტერიული მიზეზით არის გამოწვეული. ნახველში ჩირქის მატება, ნახველის ზოგადი მოცულობის ზრდა და/ან დისპნოეს გაძლიერება მიუთითებს ანტიბიოტიკების საჭიროებაზე.

მკურნალობა შეიძლება გართულდეს ჰიპერგლიკემიის განვითარებით (რაც დაკავშირებულია კორტიკოსტეროიდების გამოყენებასთან) და/ან დიარეით, მათ შორის Clostridium difficile-სთან დაკავშირებული დიარეით (ანტიბიოტიკების გამოყენების ფონზე).

ფილტვების ქრონიკული ობსტრუქციული დაავადება (ფქოდ) ფილტვის ჰეტეროგენული მდგომარეობაა. ფქოდ-ი ქრონიკული რესპირატორული სიმპტომებით (ქოშინი, ხველა, ნახველის წარმოქმნა და/ან გამწვავება) ხასიათდება სასუნთქი გზების (ბრონქიტი, ბრონქიოლიტი) და/ან ალვეოლების (ემფიზემა) პათოლოგიის გამო, რაც ჰაერის ნაკადის პერსისტირებად, ხშირად პროგრესირებად ობსტრუქციას იწვევს.[1]Global Initiative for Chronic Obstructive Lung Disease. Global strategy for prevention, diagnosis and management of COPD (2024 report). 2024 [internet publication]. https://goldcopd.org/2024-gold-report

ფქოდ-ის გამწვავება შეიძლება განისაზღვროს, როგორც მოვლენა, რომელსაც ახასიათებს მზარდი ქოშინი და/ან ხველა და ნახველის წარმოქმნა, რაც <14 დღის განმავლობაში უარესდება და შეიძლება თან ახლდეს ტაქიპნოე და/ან ტაქიკარდია. ფქოდ-ის მძიმე გამწვავება ხშირად ლოკალური ან სისტემური ანთების გაძლიერებასთან ასოცირდება, რასაც ინფექციები, გარემოს დაბინძურება ან სასუნთქი გზების სხვა დაზიანება იწვევს.[1]Global Initiative for Chronic Obstructive Lung Disease. Global strategy for prevention, diagnosis and management of COPD (2024 report). 2024 [internet publication]. https://goldcopd.org/2024-gold-report

ჩვეულებრივ, ფქოდ-ის გამწვავება ხასიათდება სასუნთქი გზების ობსტრუქციის გაუარესებით და მაჩვენებლების მატებით საწყის მაჩვენებლებთან შედარებით, რაც სასუნთქი გზების კედლის გაძლიერებულ ანთებას, ლორწოს წარმოქმნას და/ან ბრონქოკონსტრიქციას უკავშირდება. ზოგიერთ მდგომარეობას, მათ შორის პნევმონიას, ფილტვის ემბოლიას და გულის შეგუბებით უკმარისობას, ასევე შეუძლია გააუარესოს რესპირატორული სიმპტომები ფქოდ-ის მქონე პაციენტებთან; ეს დიფერენცირებული უნდა იყოს ფქოდ-ის მძიმე გამწვავებისგან.