ფილტვის ქრონიკული ობსტრუქციული დაავადების გამწვავება

როგორც წესი, პრეზენტაცია ხდება დისპნოეს მომატებული დონით, ქრონიკული ხველის გაუარესებით და/ან წარმოქმნილი ნახველის მოცულობის და/ან ჩირქიანობის მომატებით.

შეიძლება წარმოადგენდეს COPD-ის პირველ პრეზენტაციას, რომელიც, როგორც წესი, დაკავშირებულია თამბაქოს მიმართ ექსპოზიციის ანამნეზთან.

მკურნალობა მოიცავს ბრონქოდილატატორებს, სისტემურ კორტიკოსტეროიდებს და ანტიბიოტიკებს.

ანტიბიოტიკები შეიძლება რეზერვირებული იყოს გამწვავებებისთვის, რომლებიც ბაქტერიებით გამოწვეულად მიიჩნევა. წარმოქმნილი ნახველის მოცულობისა და ფერის მკვეთრი ცვლილება ბაქტერიულ გამომწვევ ფაქტორზე გვაფიქრებინებს.

მკურნალობა შეიძლება გართულდეს ჰიპერგლიკემიის განვითარებით (რაც დაკავშირებულია კორტიკოსტეროიდების გამოყენებასთან) და/ან დიარეით, მათ შორის Clostridium difficile-სთან დაკავშირებული დიარეით (ანტიბიოტიკების გამოყენების ფონზე).

ფილტვის ქრონიკული ობსტრუქციული დაავადება (ფქოდ, COPD) არის "ხშირი დაავადება, რომელიც ექვემდებარება პრევენციას და განკურნებას და რომელიც ხასიათდება პერსისტენტული რესპირატორული სიმპტომებითა და სასუნთქი გზების გამავლობის შეზღუდვით, რომელიც გამოწვეულია მავნე ნაწილაკებზე ან აირებზე მნიშვნელოვანი ექსპოზიციის შედეგად სასუნთქი გზების და/ან ალვეოლების პათოლოგიებით."[1]Global Initiative for Chronic Obstructive Lung Disease. Global strategy for the diagnosis, management and prevention of chronic obstructive pulmonary disease. November 2017 [internet publication] http://goldcopd.org/gold-reports/

ფქოდ-ის გამწვავება შეიძლება განისაზღვროს, როგორც "რესპირატორული სიმპტომების მწვავე გაუარესება, რომელიც დამატებით თერაპიას საჭიროებს."[1]Global Initiative for Chronic Obstructive Lung Disease. Global strategy for the diagnosis, management and prevention of chronic obstructive pulmonary disease. November 2017 [internet publication] http://goldcopd.org/gold-reports/