დისკუსია პაციენტთან

პაციენტები ხშირად არასრულად ასახავენ მწვავე გამწვავების სიმპტომებს.[290] კლინიკაში ვიზიტების დროს პაციენტებს რეგულარულად უნდა ეკითხებოდნენ სიმპტომების ესკალაციის შესახებ და უნდა ასწავლონ განსხვავება სიმპტომების ყოველდღიურ მოსალოდნელ ცვლილებას, "დისპნოეს კრიზისის" სიმპტომებს (რაც დაკავშირებულია დინამიკურ ჰიპერინფლაციასთან) და COPD-ის გამწვავების მომასწავებელ სიმპტომებს შორის . "დისპნოეს კრიზისი" განისაზღვრება როგორც მდგრადი და მწვავე სუნთქვითი დისკომფორტი მოსვენებისას, რომელსაც ადგილი აქვს შორსწასული, ხშირად სიცოცხლის შემზღუდველი ავადმყოფობის მქონე პაციენტებში და რომელიც აღემატება პაციენტის და მკურნალის უნარს მიაღწიოს სიმპტომების შემსუბუქებას.[291]

პაციენტებს უნდა ურჩიონ დაუკავშირდნენ თავის ექიმს, თუ აქვთ ცხელება, სუნთქვის სტატუსის გაუარესება ჩვეულებრივი ყოველდღიური ვარიაციის მიღმა და/ან ჩირქოვანი ნახველის პროდუქციის მნიშვნელოვანი ზრდა. თუ პაციენტები იღებენ სისტემურ კორტიკოსტეროიდებს და ცნობილია, რომ აქვთ დიაბეტი, მათ უნდა ურჩიონ სისხლში გლუკოზის მონიტორინგი და დაუკავშირდნენ თავის ექიმს, თუ ის დადგენილი დიაპაზონის სცილდება. თუ პაციენტი იღებს ანტიბიოტიკს, მან უნდა იცოდეს, რომ დიარეის შემთხვევაში საჭიროა ექიმთან დაკავშირება, რადგანაც ანტიბიოტიკებთან დაკავშირებული კოლიტი (რომელსაც შეიძლება Clostridium difficile იწვევდეს), წარმოადგენს ანტიბიოტიკოთერაპიის აღიარებულ გართულებას.

აღნიშნული მასალა უნდა გამოიყენოთ disclaimer მიხედვით