კვლევები
1-ად შესაკვეთი გამოკვლევები
ჟანგბადით გაჯერება პულსოქსიმეტრზე
ტესტი
რეკომენდებულია ჩატარება ფქოდ-ის შესაძლო მწვავე გამწვავების მქონე ყველა პაციენტისთვის, როდესაც შესაძლებელია. უნდა შესრულდეს სასიცოცხლო ნიშნების მიღებისას. ეპიზოდის დროს, ჟანგბადით გაჯერება ხშირად დაწეულია პაციენტის საბაზისო დონის ქვემოთ, და დამატებითი ჟანგბადის და არტერიული სისხლის აირების ტესტირება უნდა იქნას გათვალისწინებული, თუ დონე არის <90%.
შედეგი
დაწეულია პაციენტის საბაზისო დონის ქვემოთ
გულმკერდის რენტგენოგრაფია (რენტგენი)
ტესტი
იშვიათადაა დიაგნოსტიკური; ძირითადი მიზანია ალტერნატიული დიაგნოზების გამორიცხვა. გულმკერდის რენტგენი უნდა ჩატარდეს ზომიერი და მძიმე დაავადებების მქონე ადამიანებში და სადაც განიხილება პნევმონია ან სხვა პოტენციური დიაგნოზები (მაგ., პნევმოთორაქსი, გულის შეგუბებითი უკმარისობა, პლევრული გამონაჟონი).
შედეგი
ჰიპერინფლაცია, გაბრტყელებული დიაფრაგმა, გაზრდილი რეტრო-სტერნალური ჰაერის სივრცე, ბულები და პატარა, ვერტიკალური გული
ელექტროკარდიოგრამა
ტესტი
გულსისხლძარღვთა დაავადება ხშირია COPD-ის მქონე ადამიანებში.[129] გარდა ამისა, მიოკარდიუმის ინფარქტის, პნევმოთორაქსის ან ფილტვის ემბოლიის შესაძლებლობა არის გასათვალისწინებელი, თუ აღინიშნება გულმკერდის შებოჭილობა ან სხვა ტიპის დისკომფორტი გულმკერდის არეში. ფქოდ-ის მქონე პაციენტები უფრო მაღალი რისკის ქვეშ არიან გულის იშეემიის და/ან არითმიების განვითარების თვალსაზრისით, რამაც ასევე შეიძლება გამოიწვიოს დისპნოე.
როგორ ჩაიწეროს ეკგ. აჩვენებს გულმკერდის და კიდურების ელექტროდების განლაგებას.
შედეგი
შესაძლოა აღინიშნებოდეს მარჯვენა პარკუჭის გადაძაბვა, არითმიები, იშემია
არტერიული სისხლის აირები (ABG)
ტესტი
არტერიული სისხლის აირების ტესტირება უნდა ჩატარდეს ფქოდ-ის ზომიერიდან მძიმემდე გამწვავებების მქონე ადამიანებისთვის, ქრონიკული ჰიპერკაპნიის გამოსავლენად და მწვავე რესპირატორულ აციდოზზე შესაფასებლად. საბაზისო არტერიული სისხლის აირებთან შედეგების შედარებას გადამწყვეტი მნიშვნელობა ენიჭება (როდესაც შესაძლებელია). მწვავე რესპირატორული აციდოზი შეიძლება იყოს მომავალი რესპირატორული უკმარისობის ნიშანი. ვენური სისხლის აირების სინჯი არ მიიჩნევა სანდო ალტერნატიულ საზომად.[130]
PaO2 <60 მმ.ვწყ.სვ მიუთითებს პოტენციურ რესპირატორულ უკმარისობაზე. PaO2 <50 მმ.ვწყ.სვ, PaCO2 ≥45 მმ.ვწყ.სვ, ან pH <7.35 მიუთითებს პოტენციურად სისოცხლისათვის საშიშ ავადმყოფობაზე, რომელიც საჭიროებს ინტენსიურ მოვლას ან დამხმარე ვენტილაციას.[131]
შედეგი
რესპირატორული აციდოზი და კომპენსაციური მეტაბოლური ალკალოზი
FBC თრომბოციტებით
ტესტი
მხედველობაში უნდა იქნას მიღებული ზომიერიდან მწვავემდე გამწვავებების მქონე პაციენტებისთვის, პათოლოგიური დარღვევების სკრინინგისთვის, რომლებმაც შეიძლება გვავარაუდებინოს დამატებითი სამედიცინო დარღვევები, როგორიცაა ინფექცია ან ანემია.
შედეგი
შეიძლება აჩვენოს მომატებული ჰემატოკრიტი, სისხლის თეთრი უჯრედების მომატებული რაოდენობა ან ანემია
C- რეაქტიული ცილა
ტესტი
C-რეაქტიული ცილა (CRP) ასევე პოტენციური ბიომარკერია, რომლითაც ვხელმძღვანელობთ საჭიროა თუ არა ანტიბიოტიკების გამოყენება ფქოდ-ის გამწვავების დროს. ანტიბიოტიკების არდანიშვნა CRP-ის დაბალი მაჩვენებლების საფუძველზე, ანტიბიოტიკოთერაპიის გამოყენების შემცირებასთან ასოცირდება კლინიკური გამოსავლის გაუარესების გარეშე.[118][119][120]
შედეგი
შეიძლება მომატებული იყოს ბაქტერიული ინფექციების დროს
ეოზინოფილების რაოდენობა
ტესტი
ეოზინოფილების რაოდენობა ასევე შეიძლება კარგი ინდიკატორი იყოს საინჰალაციო კორტიკოსტეროიდების სარგებლის გასაზომად.[1] არსებობს მტკიცებულებები, რომ სისხლში ეოზინოფილების საშუალო რაოდენობა ფქოდ-ის მქონე პაციენტებთან უფრო მაღალია. ხშირი გამწვავებების და სისხლში ეოზინოფილების მომატებული რაოდენობის მქონე პაციენტებთან ორმაგ ბრონქოდილატატორის რეჟიმზე საინჰალაციო კორტიკოსტეროიდების დამატება უნდა იყოს გათვალისწინებელი.[1]
შედეგი
კორტიკოსტეროიდები შეიძლება ნაკლებად ეფექტური იყოს გამწვავებების სამკურნალოდ პაციენტებში, რომლებსაც სისხლში ეოზინოფილების დაბალი მაჩვენებელი აქვთ
ელექტროლიტები, შარდოვანა, + კრეატინინი
ტესტი
მხედველობაში უნდა იქნას მიღებული ზომიერიდან მწვავემდე გამწვავებების მქონე პაციენტებისთვის პათოლოგიურმა შედეგმა შეიძლება გვავარაუდებინოს დამატებითი სამედიცინო დარღვევები. ფქოდ-ის გამწვავების მქონე პაციენტებს შეიძლება შემცირებული ჰქოდნეთ პერორალური ნუტრიცია, რაც, თავის მხრივ მოცულობის შემცირებას იწვევს. თირკმელების უკმარისობის მქონე პაციენტებს შესაძლოა აღენიშნებოდეთ მეტაბოლური აციდოზი, რაც ზრდის ვენტილაციის მოთხოვნილებას.
შედეგი
როგორც წესი ნორმალურია
გასათვალისწინებელი კვლევები
ნახველის კულტურა + გრამის წესით შეღებვა
ტესტი
მძიმე დაავადების დროს, თუ პაციენტის ნახველი ჩირქიანია და ჰოსპიტალიზაცია განიხილება, უნდა განხორციელდეს გრამის წესით შეღებვა და კულტურა პოტენციური ბაქტერიული პათოგენების შესაფასებლად, რომლებსაც შეიძლებოდა გამოეწვია ეს ეპიზოდი.
შედეგი
შეიძლება გვავარაუდებინოს ბაქტერიული ინფექცია
რესპირატორული ვირუსების დიაგნოსტიკა
ტესტი
მძიმე დაავადების და ჰოსპიტალიზაციის დროს უნდა ჩატარდეს ტესტირება რესპირატორულ ვირუსზე (სადაც შესაძლებელია) როგორც ნებისმიერი გამომწვევის (მაგ., გრიპი, SARS-CoV2) იდენტიფიცირებისთვის, ასევე ინფექციის კონტროლის ნორმების გაფართოებული გამოყენების აუცილებლობის დასადგენად.
შედეგი
შეიძლება დაადასტუროს ვირუსული ინფექცია
გულის ტროპონინი
ტესტი
გულის ტროპონინის მომატებას შეიძლება ადგილი ჰქონდეს COPD-ის გამწვავებით გამოწვეული მიოკარდიუმის დაუდგენელი დაზიანების გამო. ტროპონინის მომატება შეიძლება დაკავშირებული იყოს სიკვდილიანობის გაზრდასთან.[132]
შედეგი
ნორმალურია, თუ არაა მიოკარდიუმის დაზიანება
B ტიპის ნატრიურეზული პეპტიდი (BNP)
ტესტი
გულის შეგუბებითი უკმარისობის გამწვავებები (სისტოლური ან დიასტოლური) ჩვეულებრივ ძალიან გავს ფქოდ-ის მძიმე გამწვავებას.
შრატში BNP დონის მატება შეიძლება დაგვეხმაროს იმის დადგენაში, არის თუ არა გულის შეგუბებითი უკმარისობის გამწვავება.
შედეგი
ნორმაშია, თუ გულის შეგუბებითი უკმარისობა არ არის
გულმკერდის კტ სკანირება
ტესტი
შეიძლება სასარგებლო იყოს ალტერნატიული დიაგნოზების, მათ შორის ტრაქეობრონქომალაციის და განსაკუთრებით ფილტვის ემბოლიის გამოსარიცხად, თუ რესპირატორული დეკომპენსაციის დიაგნოზი და საფუძველი გაურკვეველი რჩება რუტინული გულმკერდის რენტგენოგრაფიის შემდეგ.
შედეგი
ნორმალურია, თუ არ არის პნევმონია, პლევრული გამონაჟონი, ავთვისებიანი მდგომარეობა, ფილტვის ემბოლია ან ტრაქეობრონქომალაცია
ახალი ტესტები
პროკალციტონინი
ტესტი
ბაქტერიული ინფექციების შესაძლო დიაგნოსტიკური ბიომარკერია, რადგანაც მისი დონე უფრო მაღალია მძიმე ბაქტერიული ინფექციის დროს, ხოლო დაბალია ვირუსული ინფექციის დროს. აშშ-ის სურსათისა და წამლის სააგენტოს მიერ ნებადართულია პროკალციტონინის ტესტირება ანტიბიოტიკოთერაპიის დანიშვნამდე, სასუნთქი გზების მწვავე ინფექციების მქონე პაციენტებში. გაკეთდა კოკრეინის მიმოხილვა ანტიბიოტიკოთერაპიამდე პროკალციტონინის ტესტის შესახებ მწვავე რესპირატორული ინფექციების მქონე პაციენტებში. აღმოჩნდა, რომ სიკვდილობის რისკი შემცირდა, ასევე დაბალი იყო ანტიბიოტიკების მოხმარება და ანტიბიოტიკებთან დაკავშირებული გვერდითი მოვლენების რისკი ყველა პაციენტში, მათ შორის ფქოდ-ის გამწვავებების დროს.[121] კლინიკურ პრაქტიკაში დანერგვამდე საჭიროა მეტი კვლევის ჩატარება. არ უნდა გამოიყენოთ ანტიბიოტიკების მოხმარების გადასაწყვეტად ფქოდ-ის მძიმე გამწვავების დროს, ინტენსიური მოვლის საჭიროების შემთხვევაში.[122]
შედეგი
შეიძლება მომატებული იყოს მწვავე ბაქტერიული ინფექციების დროს და დაბალი იყოს ვირუსული ინფექციების დროს
ვიტამინი D
ტესტი
ანამნეზში ფქოდ-ის გამწვავების მქონე პაციენტებთან D ვიტამინის დონე უნდა შეფასდეს.
D ვიტამინის დაბალი დონე ფქოდ-ის გამწვავების გაზრდილ რისკთან ასოცირდება.[133] იხ მეორადი პრევენცია.
შედეგი
შეიძლება დაბალი იყოს ანამნეზში ფქოდ-ის გამწვავების მქონე პაციენტებთან.
იმუნოგლობულინები
ტესტი
ანამნეზში ფქოდ-ის გამწვავების მქონე პაციენტებთან იმუნოგლობულინების დონე უნდა შეფასდეს.
ჰიპოგამაგლობულინემია ფქოდ-ს გამწვავების გაზრდილ რისკთან ასოცირდება.[123][124][125] იმუნოგლობულინის დაბალი დონე ასევე ასოცირდება 1 წელიწადში სიკვდილობის გაზრდილ რისკთან.[134] იხ მეორადი პრევენცია.
შედეგი
შეიძლება დაბალი იყოს ანამნეზში ფქოდ-ის გამწვავების მქონე პაციენტებთან.
ამ მასალის გამოყენება ექვემდებარება ჩვენს განცხადებას