Mycoplasma pneumoniae-ს ინფექცია

Mycoplasma pneumoniae იწვევს საზოგადოებაში შეძენილ პნევმონიასა და ზედა სასუნთქი გზების ინფექციას.

ინფექცია ხშირია მჭიდროდ დასახლებულ პირობებში, როგორიცაა სკოლა, სამხედრო ბაზა, უნივერსიტეტი, ხანდაზმულთა საცხოვრებლები და კლინიკები.

ინფექციის დიაგნოზს ჩვეულებრივ კლინიკურად ადგენენ; ნუკლეინის მჟავის ამპლიფიკაციის ტესტები (მაგ., პოლიმერაზული ჯაჭვური რეაქცია), კულტურა ან სეროლოგია საჭიროა ჰოსპიტალიზირებულ პაციენტებში და მძიმე დაავადების მქონე პაციენტებში, რათა დადასტურდეს M pneumoniae, როგორც მაინფიცირებელი პათოგენი. სეროლოგიის შეზღუდვები მოიცავს ცრუ დადებითი შედეგების შესაძლებლობას.

მიკოპლაზმური ინფექციების დროს, როგორც გაურთულებელი, ასევე საზოგადოებაში შეძენილი მძიმე ფორმის პნევმონიის შემთხვევაში, როგორც წესი, იყენებენ მაკროლიდს ან ტეტრაციკლინს, რომლებიც პირველი რიგის ეფექტურ სამკურნალო საშუალებად მიიჩნევა.

ფტორქინოლონები შეიძლება იყოს ეფექტური, როგორც მეორე რიგის მკურნალობა, თუ უწინ დანიშნული ანტიბიოტიკები წარუმატებელი აღმოჩნდა.

Mycoplasma ბაქტერიების ჯგუფია, რომელთაგან ზოგიერთი პათოგენურია ადამიანებსა და ცხოველებში. ყველაზე მცირე ზომის ცოცხალი მიკროორგანიზმია, როგორც ზომის, ასევე გენების რაოდენობის გათვალისწინებით. მრავალი სხვა ბაქტერიისაგან განსხვავებით, მიკოპლაზმურ მიკროორგანიზმებს უჯრედის კედელი არ აქვთ. M pneumoniae არის ამ ჯგუფის ადამიანის ძირითადი პათოგენური სახეობა და იწვევს რესპირატორულ ინფექციებს, მათ შორის ზედა სასუნთქი გზების ინფექციას, მწვავე ბრონქიტს და საზოგადოებაში შეძენილ პნევმონიას. Mycoplasma-ს სხვა პათოგენური სახეობებია: M genitalium, Ureaplasma სახეობები (მოიცავს U parvum და U urealyticum), და M hominis, ორივე გვხვდება შარდსასქესო ტრაქტში. იშვიათად, სხვა სახეობები, მაგ. M amphoriforme, M fermentans, M penetrans, M pirum, და M faucium, ან ზოონოზური ჰემოტროფული მიკოპლაზმები, დაკავშირებულია ადამიანის დაავადებასთან, თუმცა აღნიშნული მიკროორგანიზმების პათოგენურობა კვლავ უცნობია.

მხოლოდ დადასტურებული ინფექცია M pneumoniae-ით არის შეტანილი ამ თემის ფარგლებში. მეტი ინფორმაციისთვის საზოგადოებაში ან საავადმყოფოში შეძენილი პნევმონიის მიმართ ზოგადი მიდგომის შესახებ, სიმძიმის ქულების და ემპირიული მკურნალობის ჩათვლით, იხილეთ საზოგადოებაში შეძენილი პნევმონია (არა Covid-19) და საავადმყოფოში შეძენილი პნევმონია.

გთხოვთ იხილეთ მწვავე ბრონქიტი დამატებითი ინფორმაციისთვის ამ მდგომარეობის მართვის შესახებ.

გთხოვთ იხილოთ ურეთრიტი, მწვავე ეპიდიდიმიტი, ცერვიციტი და მენჯის ანთებითი დაავადება დამატებითი ინფორმაციისთვის სასქესო სისტემის ინფექციაზე, რომელიც გამოწვეულია M genitalium-ით.