ჰოსპიტალში შეძენილი პნევმონია (არა COVID-19)

საავადმყოფოში შეძენილი პნევმონია (HAP) ჩვეულებრივ გამოწვეულია ბაქტერიებით, განსაკუთრებით აერობული გრამუარყოფითი ბაცილებით, როგორიცაა Pseudomonas aeruginosa, Escherichia coli, Klebsiella pneumoniae და Acinetobacter-ის სახეობები.

ჰოსპიტალური პნევმონია ჩვეულებრივ ვლინდება ცხელების (ან ჰიპოთერმიის), ლეიკოციტოზის (ან ლეიკოპენიის), ტრაქეის ჭარბი სეკრეციის და ცუდი ოქსიგენაციის კომბინაციით. დიაგნოზს ადასტურებს ფილტვის დაჩრდილვა გულმკერდის რეტნგენოგრაფიით ან კომპიუტერული ტომოგრაფიით.

ანტიბიოტიკების დაწყებამდე ქვედა სასუნთქი გზების კულტურალური კვლევა უნდა ჩატარდეს; კულტურის შედეგები გამოყენებული უნდა იყოს დიდი რაოდენობით ანტიბიოტიკების დანიშვნის საწინააღმდეგოდ და გამომწვევ პათოგენზე ფოკუსირებისთვის.

პაციენტებში, რომლებსაც აქვთ მულტირეზისტენტული პათოგენებით გამოწვეული დაავადების რისკფაქტორები, თავდაპირველად გამოყენებულ უნდა იქნას ფართო სპექტრის ანტიმიკრობული საშუალებები.

HAP ქვედა სასუნთქი გზების მწვავე ინფექციაა, რომელიც დეფინიციის მიხედვით ჰოსპიტალიზაციიდან სულ მცირე 48 საათის შემდეგ არის შეძენილი და ჰოსპიტალიზაციის მომენტში ინკუბაციური არ არის. [1]Kalil AC, Metersky ML, Klompas M, et al. Management of adults with hospital-acquired and ventilator-associated pneumonia: 2016 clinical practice guidelines by the Infectious Diseases Society of America and the American Thoracic Society. Clin Infect Dis. 2016 Sep 1;63(5):e61-111. http://cid.oxfordjournals.org/content/63/5/e61.long http://www.ncbi.nlm.nih.gov/pubmed/27418577?tool=bestpractice.com HAP-ის სპექტრს განასხვავებენ ვენტილატორ- ასოცირებულ პნევმონიისგან (VAP), რომელიც განისაზღვრება, როგორც ენდოტრაქეული ინტუბაციიდან 48 საათზე მეტი ხნის შემდეგ განვითარებული პნევმონია. ინფექციური დაავადებების საზოგადოება და ამერიკის თორაკალური საზოგადოება HAP-ის და VAP-ის ბოლო გაიდლაინებში უკვე აღარ განიხილავს ჯანდაცვასთან დაკავშირებულ პნევმონიას როგორც კლინიკურ ერთეულს.

ეს თემა ყურადღებას ამახვილებს HAP/VAP-ის დიაგნოზსა და მართვაზე მოზრდილებში; ის არ მოიცავს პნევმონიას, რომელიც გამოწვეულია COVID-19-ით. იხ კორონავირუსი 2019 (COVID-19).