ჰანტავირუსის გულფილტვის სინდრომი

ჰანტავირუსული კარდიოპულმონური სინდრომი ზოგიერთ ქვეყანაში შეტყობინებადი მდგომარეობაა.

ეპიდემიოლოგიურ ანამნეზში საცხოვრებელ ადგილში, ან მის სიახლოვეს მღრღნელების შემოჭრა და/ან მღრღნელებით დაბინძურებული ახლომახლო ადგილის გასუფთავება ჰანტავირუსული ინფექციის განვითარების რისკ ფაქტორია.

წარმოადგენს არასპეციფიკურ ვირუსულ დაავადებას ცხელებით, თავის ტკივილით, მიალგიებით და ხშირად გამოხატული გასტროინტესტინური სიმპტომებით. პულმონურ ფაზაში აღინიშნება მზარდი დისპნოე და ჰიპოქსემია, რაც შეიძლება სწრაფად გადაიზარდოს კარდიოგენულ შოკში და სიკვდილში.

თუმცა მკურნალობის სპეციფიკური მეთოდი არ არსებობს, შემთხვევები უნდა იმართებოდეს ინტენსიური თერაპიის გამყოფილებაში. ფართო სპექტრის ანტიბიოტიკოთერაპია, ანალგეზია და სიცხის დამწევი მედიკამენტები გამოიყენება დიაგნოზის დადასტურების მოლოდინში.

დაავადების კარდიოპულმონურ ფაზაში გულის კლებადი ინდექსი კარდიოვასკულური კოლაფსის მტკიცებულებით ექსტრაკორპორალური მემბრანული ოქსიგენაციის ჩვენებაა. სიკვდილობა 30% და 50%-ს შორის მერყეობს ფილტვების შეშუპებისა და კარდიოგენული შოკის გამო.

ჰანტავირუსული ინფექცია ასოცირდება მძიმე მწვავე ცხელებით მიმდინარე დაავადების ორ ტიპთან: ჰანტავირუსული გულ-ფილტვის (კარდიოპულმონური) სინდრომი (HCPS), რომელიც გვხვდება დასავლეთ ნახევარსფეროში და ჰემორაგიული ცხელება თირკმლის სინდრომით (HFRS), მსოფლიოს უძველესი დაავადება. ჰანტავირუსული კარდიოპულმონური სინდრომი წარმოადგენს მწვავე ცხელებით მიმდინარე დაავადებას, რომელიც გამოირჩევა არასპეციფიკური ვირუსული პროდრომით, რასაც მოჰყვება სწრაფად პროგრესირებადი ფილტვის უკმარისობა და შოკი, რომელიც სხვა მხრივ ჯანმრთელ ადამიანთან ვითარდება. ინფექციის შეძენა მღრღნელების ცხოველქმედების პროდუქტებთან აეროზოლური კონტაქტით ხდება.

ახალი სამყაროს ჰანტავირუსები (მაგ. სინ ნომბრეს, ბაიუს, ნიუ იორკის, შავი მდინარის არხის და მონონგაჰელას ვირუსები) დაკავშირებულია HCPS-თან, ხოლო ძველი სამყაროს ჰანტავირუსები (მაგ. ჰანტაანის, დობრავას, სეულის და პუუმალას ვირუსები) იწვევს HFRS-ს.[1]Vapalahti O, Mustonen J, Lundkvist A, et al. Hantavirus infections in Europe. Lancet Infect Dis. 2003 Oct;3(10):653-61. http://www.ncbi.nlm.nih.gov/pubmed/14522264?tool=bestpractice.com

ამ თემაში განხილულია HCPS დიაგნოსტიკა და მართვა. აღნიშნულია HPCS თირკმლის ჩათრევით, მაგრამ არ მიიჩნევა HFRS-ად.