ფრინველის გრიპი A (H5N1) ვირუსული ინფექცია

შეტყობინებადი მდგომარეობაა. რეკომენდებულია ინფექციური კონტროლის ზომების მიღება, როგორიცაა სტანდარტული, ჰაერწვეთოვანი, კონტაქტური და აეროგენულ ინფექციებთან დაკავშირებული პრევენციული ზომები.

ლაბორატორიულად დადასტურებული ინფექციების მქონე პაციენტებში ლეტალობის მაჩვენებელი მაღალია, დაახლოებით 53%-ს აღწევს.

პაციენტების უმეტესობა საავადმყოფოში მიღებისას უჩივის ცხელებას და ქვედა სასუნთქი გზების ინფექციის სიმპტომებს. დიაგნოსტიკისთვის რეკომენდებულია მოლეკულური ტესტირება; თუმცა, კლინიკურ პირობებში მეტწილად არ არის ხელმისავწდომი.

შესაძლო ან დადასტურებული ინფექციის მქონე, შეუძლოდ მყოფ პაციენტებში, ანტივირუსული თერაპია რეკომენდებულია რაც შეიძლება მალე. დამხმარე მოვლა და სპეციალიზებული ინტენსიური მართვა ნაჩვენებია რესპირატორული უკმარისობისა და სხვა მძიმე გართულებების შემთხვევაში.

ცხოველების გადამდები დაავადება, რომელიც გამოწვეულია ვირუსებით და ინფიცირდებიან ფრინველები და, ნაკლებად, ღორები. ფრინველის A გრიპის ვირუსები სახეობების მიმართ უაღრესად სპეციფიკურია, თუმცა დაფიქსირებულია სხვა ძუძუმწოვრების დაინფიცირების შემთხვევები და უფრო იშვიათად, გადალახულია სახეობრივი ბარიერი და დაინფიცირდნენ ადამიანებიც. მაღალპათოგენური ფრინველის A გრიპის H5N1 ვირუსი, წარმოშობილი ფრინველებში და გარეულ ჩიტებში, შეიძლება გადაეცეს ადამიანებს. თუმცა, ადამიანებს შორის ინფექციის გადაცემის შემთხვევები იშვიათია.[1]Ungchusak K, Auewarakul P, Dowell SF, et al. Probable person-to-person transmission of avian influenza A (H5N1). N Engl J Med. 2005;352:333-340. http://www.nejm.org/doi/full/10.1056/NEJMoa044021#t=article http://www.ncbi.nlm.nih.gov/pubmed/15668219?tool=bestpractice.com [2]Wang H, Feng Z, Shu Y, et al. Probable limited person-to-person transmission of highly pathogenic avian influenza A (H5N1) virus in China. Lancet. 2008;371:1427-1434. http://www.ncbi.nlm.nih.gov/pubmed/18400288?tool=bestpractice.com

აღნიშნული თემა ფოკუსირებულია აზიური წარმოშობის HPAI H5N1 ვირუსზე; ფრინველის A გრიპი (H7N9) განხილულია ცალკე.