ახალ გამოვლენილი წინაგულების ფიბრილაცია (მოციმციმე არითმია)

წინაგულოვანი ქაოტური ან არარეგულარული არითმიის პრევალენტობა ასაკთან ერთად პროგრესულად იზრდება.

მნიშვნელოვანი ავადობისა და სიკვდილობის გამომწვევი მიზეზებია გულის ფრიალი, დისპნოე, სტენოკარდია, თავბრუსხვევა ან სინკოპე და გულის შეგუბებითი უკმარისობის ნიშნები, ტაქიკარდიით განპირობებული კარდიომიოპათია, ინსულტი და სიკვდილი.

ეკგ-ზე ჩანს P კბილების არარსებობა, ფიბრილატორული ტალღის არსებობა და არარეგულარული,არათანაბრი QRs კომპლექსი.

წინაგულების ახლად გამოვლენილი ან "მწვავე" ფიბრილაციის მქონე წარმოდგენილი პაციენტების უმრავლესობა არ საჭიროებს დაუყოვნებლივ კარდიოვერსიას. პაციენტების უმრავლესობას დასჭირდება სამედიცინო თერაპია პარკუჭოვანი სიხშირის გასაკონტროლებლად.

პაციენტებს, რომელთაც განუვითარდათ ჰემოდინამიკური კომპრომისი უნდა ჩაუტარდეთ დაუყოვნებლივ კარდიოვერსია პირდაპირი დენით.

თუ წინაგულების ფიბრილაციის გამოვლინების ზუსტი დრო ცნობილი არ არის, ტრანსეზოფაგური ექოკარდიოგრამა უნდა ჩატარდეს კარდიოვერსიამდე რათა გამოირიცხოს მარცხენა წინაგულის თრომბი.

წინაგულების ფიბრილაცია არის სუპრავენტრიკულური ტაქიარითმია. იგი ხასიათდება წინაგულების არაკოორდინირებული აქტივობით ეკგ-ზე, ფიბრილატორული კბილების ტალღოვანი ფორმის, ამპლიტუდისა და დროის ცვლილებით, რომელიც დაკავშირებულია არარეგულარულ, არათანაბარ პარკუჭოვან პასუხთან, როდესაც ატრიოვენტრიკულური გამტარობა ინტაქტურია.[1]January CT, Wann LS, Alpert JS, et al. 2014 AHA/ACC/HRS guideline for the management of patients with atrial fibrillation: a report of the American College of Cardiology/American Heart Association Task Force on Practice Guidelines and the Heart Rhythm Society. J Am Coll Cardiol. 2014 Dec 2;64(21):e1-76. http://content.onlinejacc.org/article.aspx?articleid=1854231 http://www.ncbi.nlm.nih.gov/pubmed/24685669?tool=bestpractice.com წინაგულების ახალგამოვლენილი ფიბრილაცია განისაზღვრება, როგორც წინაგულების ფიბრილაციის ახალი გამოვლინება ან პირველად აღმოჩენილი ეპიზოდი, სიმპტომატურია თუ არა.

ეს თემა კონცენტრირებული იქნება წინაგულების ახალგამოვლენილ ფიბრილაციაზე არა სარქვლოვან და არა ქირურგიულ ასპექტებში.