ინტრააბდომინალური აბსცესი

ჩირქის ან ინფიცირებული მასალის ინტრააბდომინალური გროვა, ჩვეულებრივ, პერიტონიუმის ღრუში ლოკალიზებული ინფექციის გამო. შესაძლოა მოიცავდეს ინტრააბდომინურ ორგანოს ან განლაგებული იყოს ნაწლავის მარყუჟებს შორის. ასევე შესაძლებელია, თავისუფლად იყოს განლაგებული თავად პერიტონიუმის ღრუში.

უმეტესად გვხვდება მუცლის ტკივილი, ცხელება და ლეიკოციტოზი.

ჩვეულებრივ, ინოკულაციის შემდგომ, უმეტესად გართულებული ინტრააბდომინალური ინფექციისგან (ნაწლავის პერფორაცია, ანასტომოტული გაჟონვა, ტრავმა)

დიაგნოზი შეიძლება დადასტურდეს რადიოლოგიური კვლევებით, როგორებიცაა ულტრაბგერითი ან კომპიუტერული ტომოგრაფიული (CT) სკანირება. მუცლისა და მენჯის კომპიუტერულ-ტომოგრაფიული სკანირება, როგორც წესი, უფრო საიმედოა და უზრუნველყოფს ინტრააბდომინალური აბსცესის ანატომიური ადგილმდებარეობისა და ზომის უკეთ განსაზღვრას.

მკურნალობის ფარგლებში ხორციელდება დაზიანების წყაროს შესაბამისი კონტროლი (აბსცესის კანის გავლით ან ქირურგიული წესით დრენაჟი), ასევე ადრეული ეფექტური ანტიმიკრობული თერაპია.

ჩაურევლობის შემთხვევაში შეიძლება კლინიკური მდგომარეობა დამძიმდეს და განვითარდეს სეფსისი ან სეპტიკური შოკი.

ინტრააბდომინური აბსცესი (IAA), იგივე ინტრაპერიტონული აბსცესი, არის ჩირქის ან ინფიცირებული მასალის ინტრააბდომინალური გროვა და ჩვეულებრივ, დაკავშირებულია მუცლის ღრუში ლოკალიზებულ ინფექციასთან. ის შეიძლება მოიცავდეს ნებისმიერ ინტრააბდომინალურ ორგანოს ან თავისუფლად მდებარეობდეს მუცლის ღრუს ან მენჯის ღრუს შიგნით, მათ შორის, ნაწლავის მარყუჟებს შორის. ინრააბდომინური აბსცესი ყოველთვის წარმოადგენს მიმდინარე დაავადების შედეგს ან მუცლის ღრუში არსებული პროცესის თანხმლებ მოვლენას. [1]Otagiri N, Soeda J, Yoshino T, et al. Primary abscess of the omentum: report of a case. Surg Today. 2004;34(3):261-4. http://www.ncbi.nlm.nih.gov/pubmed/14999541?tool=bestpractice.com ეს შეიძლება გამოწვეული იყოს ერთი ან რამდენიმე ბაქტერიული, სოკოვანი ან პარაზიტული ინფექციური აგენტით.