ჰისტოპლაზმოზი

ინფექცია, ჩვეულებრივ ასიმპტომურია ან გამოხატულია სიმპტომების მინიმუმი; თუმცა, დიდი რაოდენობით გამომწვევებით დაინფიცირების ან იმუნოდეფიციტური მდგომარეობის დროს შესაძლებელია განვითარდეს მძიმე, სიმპტომური პულმონალური ინფექცია, რომელიც საჭიროებს მკურნალობას.

მძიმე რესპირატორული დაავადების განვითარების რისკფაქტორს წარმოადგენს დიდი რაოდენობით გამომწვევის ინჰალაცია, უჯრედული იმუნიტეტის უკმარისობა (მაგ. აივ/შიდსი, იმუნოსუპრესორებით ქრონიკული თერაპია), ასაკი <2 წელზე და ფილტვის ქრონიკული დაავადება.

ენდემურია ზომიერი კლიმატის რეგიონებში, როგორიცაა ოჰაიო, მდინარე მისისიპისა და მისურის ველები აშშ-ში; სამხრეთ მექსიკა, კარიბის ზღვის აუზი, ცენტრალური და სამხრეთ ამერიკა. აფრიკული ჰისტოპლაზმოზი განსხვავებული კლინიკური ერთეულია და არ განიხილება ამ ტექსტში.

Histoplasma capsulatum მრავლდება ჩიტების, ან ღამურების განავლით დაბინძურებულ ნიადაგში. კონტაქტი ძირითადად დაკავშირებულია სპელეოლოგიასთან, ქათმების საბუდართან სიახლოვესთან, ნგრევის და ექსკავაციის პროცესთან და ხის შეგროვებასთან.

ჰისტოპლაზმოზი ინფექციური დაავადებაა, რომელსაც იწვევს სოკო Histoplasma capsulatum. ის არ არის გადამდები ადამიანიდან ადამიანზე, მაგრამ შესაძლებელია დაინფიცირება ფრინველების ან ღამურების ექსკრეტით დაბინძურებული მიწიდან სპორების ინჰალაციით. აფრიკული ჰისტოპლაზმოზი განსხვავებული კლინიკური ნოზოლოგიაა და არ განიხილება ამ თავში.