მწვავე თავის ტკივილის შეფასება ზრდასრულებში

თავის ტკივილი არის ტკივილი, რომელიც ლოკალიზებულია თავის ნებისმიერ ნაწილში, თვალების ან ყურების უკან, ან კისრის ზედა ნაწილში. თავის ტკივილი წარმოადგენს გადაუდებელი დახმარების განყოფილებაში ვიზიტის მიზეზების 2%-ს. მამაკაცების დაახლოებით 90%-ს და ქალების 95%-ს წელიწადში სულ მცირე ერთხელ აქვს თავის ტკივილი. დიაგნოსტიკისთვის აუცილებელი ინფორმაცია, პირველ რიგში, ანამნეზიდან უნდა მომდინარეობდეს. დამახასიათებელი ფიზიკალური ნიშნები ხშირად არ არსებობს და მრავალი ფიზიკალური ნიშანი არ არის სპეციფიური. პაციენტთა უმეტესობას, რომლებიც მოვიდნენ მწვავე თავის ტკივილით, აქვს კეთილთვისებიანი დიაგნოზი, თუმცა, სიცოცხლისათვის საშიში თავის ტკივილის მიზეზების დასადგენად აუცილებელია ეჭვის მაღალი დონის არსებობა.[1]Ramirez-Lassepas M, Espinosa CE, Cicero JJ, et al. Predictors of intracranial pathologic findings in patients who seek emergency care because of headache. Arch Neurol. 1997 Dec;54(12):1506-9. http://www.ncbi.nlm.nih.gov/pubmed/9400360?tool=bestpractice.com