ნაწლავის იშემიური დაავადება-

ნაწლავური იშემია შეიძლება კლასიფიცირებული იყოს სამ ტიპად: მწვავე მეზენტერული იშემია, ქრონიკული მეზენტერული იშემია და მსხვილი ნაწლავის იშემია. მწვავე მეზენტერული იშემია შეგვიძლია დამატებით დავყოთ ემბოლიურ მეზენტერულ იშემიად, თრომბოზულ მეზენტერულ იშემიად, ვენურ მეზენტერულ იშემიად და არაოკლუზიურ მეზენტერულ იშემიად.. მსხვილი ნაწლავის იშემია არის ყველაზე გავრცელებული ტიპი და გააჩნია ყველაზე კეთილსაიმედო პროგნოზი.

კლინიკურად იგი შესაძლოა მრავალგვარად გამოვლინდეს, მათ შორის გარდამავალი შექცევადი იშემიის, ქრონიკული შეუქცევადი იშემიის ან მწვავე ელვისებრი იშემიის სახით.

მეზენტერული ვენების თრომბოზის შედეგად შესაძლოა განვითარდეს მწვავე ან ქვემწვავე ნაწლავური იშემია, რომელიც თავის მხრივ ასევე სიმძიმის ფართო სპექტრით ვლინდება.

მოკლევადიანი გართულებებია წვრილი ნაწლავის ინფარქტი, ჰემორაგიული შოკი, პერიტონიტი, განგრენოზული კოლიტი, ფულმინანტური უნივერსალური კოლიტი, მსხვილი ნაწლავის პერფორაცია, პნევმოპერიტონეუმი, მსხვილი ნაწლავის კედლის ნეკროზი, რომელიც იწვევს პნევმატოზს და პორტალური ვენური გაზის წარმოქმნას, რომელიც ჩანს გამოსახულების დროს.

ნაწლავის იშემიური დაავადების ხანგრძლივი გართულებები დამოკიდებულია ძირითადი პათოლოგიის ადგილმდებარეობასა და ბუნებაზე. შესაძლო გართულებები მოიცავს სტრიქტურის ჩამოყალიბებას, მოკლე ნაწლავის სინდრომს და საკვების მიღების შიშს, რომელსაც მალნუტრიციამდე (საკვების დეფიციტი) მივყავართ.

იშემიური ნაწლავის დაავადება მოიცავს მწვავე ან ქრონიკული პროცესებით გამოწვეულ დაავადებათა ჰეტეროგენურ ჯგუფს, რომელიც წარმოიქმნება ოკლუზიური ან არაოკლუზიური მიზეზებით, რაც იწვევს კუჭ-ნაწლავის ტრაქტში სისხლის ნაკადის შემცირებას. კლინიკური მიმდინარეობა შეიძლება ვარირებდეს გარდამავალი და შექცევადიდან, ელვისებურამდე.[Figure caption and citation for the preceding image starts]: ნაწლავების იშემიის ჰისტოპათოლოგიაFrom the collection of Dr Jennifer Holder-Murray; used with permission [Citation ends].