ვირუსული გასტროენტერიტი ბავშვებში

დაკავშირებულია საკმაოდ მაღალ ავადობასთან განვითარებულ ქვეყნებში. კვლავ წარმოადგენს სიკვდილობის მნიშვნელოვან მიზეზს განვითარებად ქვეყნებში.

ვლინდება ღებინებით და დიარეით (ცხელებით ან ცხელების გარეშე, ან მუცლის ტკივილით).

დეჰიდრატაცია, რომელიც დაკავშირებულია ელექტროლიტების დისბალანსთან და მეტაბოლურ აციდოზთან, ყველაზე ხშირი და საშიში გართულებაა.

პერორალური რეჰიდრატაციის თერაპია მკურნალობის ძირითადი მიმართულებაა.

თვითგანკურნებადი დაავადება, რომელიც ძალიან კარგი პროგნოზით ხასიათდება სწორი მართვის შემთხვევაში.

ვირუსული გასტროენტერიტი არის გასტროინტესტინური ტრაქტის ინფექცია, რომელსაც ვირუსი (როგორც წესი, როტავირუსი) იწვევს. როგორც წესი, თვითგანკურნებადია, მაგრამ მკურნალობის გარეშე შეიძლება გამოიწვიოს მნიშვნელოვანი ავადობა და სიკვდილობა დეჰიდრატაციის, ელექტროლიტური დისბალანსისა და მეტაბოლური აციდოზის გამო.[Figure caption and citation for the preceding image starts]: ორმაგი გარსის მქონე ინტაქტური როტავირუსის ნაწილაკების ტრანსმისიული ელექტრონულ-მიკროსკოპული გამოსახულება. რადიაციული კაფსომერების გამორჩეული რგოლიCDC/Dr Erskine Palmer; used with permission [Citation ends].