საშარდე გზების ინფექციები მამაკაცებში

იშვიათად გვხვდება 50 წლამდე ასაკში.

ხშირად ასოცირებულია საშარდე გზების პათოლოგიურ სტრუქტურასთან ან ფუნქციასთან (საშარდე გზების გართულებული ინფექცია).

საშარდე გზების კათეტერთან დაკავშირებული ინფექცია ნოზოკომიური ინფექციის ყველაზე ხშირი მიზეზია.

საშარდე გზების ვიზუალიზაცია რეკომენდებულია მამაკაცებში პერსისტენტული ჰემატურიით, შარდვის დისფუნქციით აშკარად გამოხატული მიზეზის გარეშე, ისეთი როგორიცაა წინამდებარე ჯირკვლის კეთილთვისებიანი ჰიპერპლაზია, წარუმატებელი საწყისი თერაპიით ან ზემო საშარდე გზების ინფექციის ნიშნებით.

ჩვეულებრივ, მკურნალობა გულისხმობს ფთორქინოლონების ჯგუფის ანტიბიოტიკის 7-14-დღიან კურსს. უსიმპტომო ბაქტერიურია მხოლოდ უროლოგიური პროცედურების წინ საჭიროებს მკურნალობას.

საშარდე გზების ინფექცია წარმოადგენს საშარდე გზების ეპითელიუმის ანთებით რეაქციას, რომელიც ვითარდება პათოგენური მიკროროგანიზმების, უმეტესად ბაქტერიების, საპასუხოდ[1]Schaeffer AJ. Infections of the urinary tract. In: Walsh PC, ed. Campbells' urology, 8th ed. Philadelphia, PA: Saunders; 2002. დიაგნოზი დასტურდება როდესაც სიმპტომური მამაკაცის შარდის კულტივირებისას გამოვლინდება ერთი მიკროორგანიზმის მნიშვნელოვანი რაოდენობა (≥10^2 კოლონიის წარმომქმნელი ერთეული/მლ) ან ერთი მიკროორგანიზმის დომინანტური ზრდა.[2]Whelan P. Manage urinary tract infections. Practitioner. 2006;250:38,41,43. http://www.ncbi.nlm.nih.gov/pubmed/17036917?tool=bestpractice.com [3]Lipsky BA, Schaberg DR. Managing urinary tract infections in men. Hosp Prac. 2000;35:53-59. http://www.ncbi.nlm.nih.gov/pubmed/10645989?tool=bestpractice.com