ღრმა ვენის თრომბოზი

ღრმა ვენების თრომბოზი დროს კუნთოვანი ქსოვილის შრეებში ღრმად არსებულ ვენებში წარმოიქმნება სისხლის შედედებული მასა. ღრმა ვენების თრომბოზი ყველაზე ხშირია ქვემო კიდურებში, თუმცა შესაძლოა აღინიშნებოდეს მკლავებსა და სხეულის სხვა მიდამოებშიც.

ღრმა ვენების თრომბოზი უხშირესად ვითარდება ისეთი რისკფაქტორების თანაარსებობისას, როგორიცაა სიმსივნე, ტრავმა, მნიშვნელოვანი ქირურგიული ჩარევა, ჰოსპიტალიზაცია, იმობილიზაცია, ორსულობა ან ორალური კონტრაცეპტივების გამოყენება. ღრმა ვენების თრომბოზი შეიძლება იყოს არაპროვოცირებული (იდიოპათიური) და განვითარდეს იდენტიფიცირებადი გარეგანი რისკფაქტორის გარეშე.

ღრმა ვენის თრომბოზი ხშირად იწვევს ქვემო კიდურების ასიმეტრიულ შეშუპებას, უნილატერალურ ტკივილს ფეხში, ზედაპირული ვენების დილატაციას ან გადაბერვას და კანის ჰიპერემიას ან მისი ფერის შეცვლას. თუმცა, შესაძლოა მიმდინარეობდეს უსიმპტომოდაც.

პრე-ტესტის ჩატარების ალბათობა(დადასტურებული ქულის გამოყენებით,როგორიცაა უელსის ქულა)არის მნიშვნელოვანი DVT-ზე ეჭვის შემთხვევაში და უნდა იქნეს გამოყენებული ალგორითმულ დიაგნოსტიკურ მიდგომასთან ერთად, რათა თავიდან იქნას აცილებული არასაჭირო ვიზუალიზაცია, როდესაც DVT-ის ალბათობა დაბალია

დიაგნოზი მოითხოვს თრომბის არსებობის დადასტურებას ფეხების,მენჯის და ღრუ ვენებში ვენების დუპლექს სკანირების მეთოდით ან კომპიუტერულ ტომოგრაფიას.

ღრმა ვენების თრომბოზის დროს, როგორც წესი, მკურნალობა მიმდინარეობს ანტიკოაგულანტებით, როგორიცაა არაფრაქციული ჰეპარინი, დაბალმოლეკულური ჰეპარინი, ფონდაპარინუქსი, რივაროქსაბანი, აპიქსაბანი, ედოქსაბანი, დაბიგატრანი და/ან ვარფარინი. იშვიათად გვაქვს ინტერვენციული თერაპიის, მათ შორის თრომბოლიზის ჩვენება.

ანტიკოაგულაციური თერაპია, როგორც წესი, გრძელდება სულ მცირე 3 თვის განმავლობაში. ამ პერიოდის შემდეგ კი, განმეორებითი არასასურველი მოვლენების მეორეული პრევენციის მიზნით, ანტიკოაგულანტებით მკურნალობა რეკომენდებულია მხოლოდ კონკრეტულ შემთხვევებში.

პოსტ-თრომბოზული სინდრომის სიმპტომები შეიძლება იყოს ქრონიკული ტკივილი, შეშუპება, კანის ფერის შეცვლა ან ვენური წყლულების განვითარება ვენური სისხლის დინების ქრონიკული ობსტრუქციის და/ან ვენური სარქვლების ფუნქციის დაქვეითების შედეგად.

DVT(ღრმა ვენების თრომბოზი) არის სისხლის კოლტის ჩამოყალიბება ფეხის,ბარძაყის,მენჯის ან მუცლის ძირითად ღრმა ვენებში. იშვიათდ შეიძლება განვითარდეს მკლავის, პორტულ, მეზენტერულ, საკვერცხის ან ბადურას ვენებში; ასევე თავის ტვინის ვენებსა და ვენურ სინუსებში. ღრმა ვენების თრომბოზის შედეგად შესაძლოა შეფერხდეს ვენური სისხლის დინება და, შესაბამისად, განვითარდეს შეშუპება და ტკივილი. ღრმა ვენების თრომბოზი(DVT) თავისთავად იშვიათად არის სიცოცხლისთვის საშიში, თუმცა შეუძლია გამოიწვიოს ფატალური შედეგის მქონე პულმონური ემბოლია.(PE) ვენური თრომბოემბოლია ფართო ტერმინია, რომელიც მოიცავს ღრმა ვენების თრომბოზს-DVT და პულმონურ ემბოლიას-PE. ზედაპირული ვენების თრომბოზი ხშირად გვხვდება, როგორც დაკავშირებული მდგომარეობა, აზიანებს კუნთური ქსოვილის ზედაპირზე არსებულ ვენებს. მიმდინარე თემაში განხილულია ქვემო და ზემო კიდურების ღრმა ვენების თრომბოზი-DVT.