ვარიცელა-ზოსტერის მწვავე ინფექცია

მწვავე ვარიცელა-ზოსტერი (ჩუტყვავილა) ვლინდება ბავშვობის ასაკში და ჩვეულებრივ თვითლიმიტირებადია.

ზრდასრულები, ორსულები, იმუნოსუპრესიული პაციენტები და ახალშობილები არიან ისეთი გართულებების მაღალი რისკის ქვეშ , როგორიც არის პნევმონია, ნევროლოგიური გართულებები, ჰეპატიტი, მეორადი ბაქტერიული ინფექცია და სიკვდილი.

მაღალი რისკის კატეგორიის პაციენტებს უნდა დაენიშნოთ ანტივირუსული თერაპია.

მიუხედავად იმისა, რომ დღესდღეობით ევროპის ქვეყნების უმეტესობაში ბავშვებს ვაქცინაცია ვარიცელას წინააღმდეგ არ უტარდებათ, ევროკავშირის მასშტაბით ვაქცინაციის სტრატეგიები ფართოდ განსხვავდება. ზოგიერთ ქვეყანაში ვარიცელას წინააღმდეგ აცრა შედის რუტინულ პედიატრიულ ვაქცინაციაში, ხოლო სხვა ქვეყნებში აცრა რეკომენდებულია მოწყვლადი მოზარდებისა და მოზრდილებისთვის. აშშ-ში ამჟამად ვარიცელას ვაქცინა რეკომენდებულია იმუნოკომპეტენტური ბავშვებისა და მოწყვლადი მოზრდილებისთვის (მაგ., სამედიცინო მუშაკები, ისინი ვინც პროფესიულად ექსპოზირებულნი არიან ბავშვებთან, ჰისპიტალიზებული ადამიანები, სამხედრო ახალწვეულები).

პაციენტებს, რომლებიც ექსპოზირდნენ ვირუსთნ და აღენიშნებათ მძიმე დაავადების განვითარების მაღალი რისკი ან მათ, ვისზეც უკუნაჩვენებია ვაქცინაცია (ახალშობილები, ორსული ქალები, იმუნოკომპრომისული პირები და მაღალი დოზის სისტემური იმუნოსუპრესიული თერაპიის ქვეშ მყოფი პაციენტები), შესაძლოა ჩაუტარდეთ იმუნოპროფილაქტიკა ან ექსპოზიციის შემდგომი ანტივირუსული პროფილაქტიკა.

ვარიცელა (ჩუტყვავილა), ბავშოვბის ასაკის ერთ-ერთი ეგზანთემა, გამოწვეულია ადამიანის ალფა ჰერპესვირუსის - ვარიცელა-ზოსტერის მიერ. ვარიცელა-ზოსტერის ვირუსი (VZV) მხოლოდ ადამიანებში გვხვდება. ინკუბაციის პერიოდი საშუალოდ 14 დღეა (მერყეობს 9-დან 21 დღემდე). ვარიცელას ახასიათებს ცხელება, საერთო სისუსტე და გენერალიზებული ვეზიკულური, ქავანა გამონაყარი. დაავადება ვლინდება ბავშვობის ასაკში და ჩვეულებრივ თვითლიმიტირებადია. არაკეთილსაიმედო გამოსავალი უფრო ხშირია იმუნოკომპრომისულ ადამიანებში, მოზარდებში, მოზრდილებსა და ორსულ ქალებში.