მარტივი ჰერპესის ინფექცია

მარტივჰერპეს ვირუსული ინფექცია ხშირია და აქვს მრავალი კლინიკური გამოვლინება.

ვეზიკულების კლასიკური კლინიკური გამოვლინების პროგრესირება და მტკივნეულ წყლულებში გადასვლა არ არის დამახასიათებელი; ატიპური და მსუბუქი სიმპტომები ხშირია და ადამიანთა უმრავლესობას ამოუცნობი დაავადება აქვს.

ორალური(ტუჩის) ჰერპესის სიმპტომები მოიცავს ჩხვლეტისა და წვის შეგრძნებას, რასაც მოსდევს ბუშტუკების წარმოქმნა, შემდეგ წყლულოვანი დაზიანებები პირხახისა და პირის ღრუს ლორწოვანზე.

გენიტალური ჰერპესის მიმდინარეობა ცვალებადობს ასიმპტომური მდგომარეობიდან, ჩხვლეტისა და წვის შეგრძნებამდე და ინტაქტური ლორწოვანიდან რეკურენტულ გენიტალურ წყლულებამდე.

აციკლოვირი, ფამციკლოვირი და ვალაციკლოვირი ეფექტურია გამწვავებების სიმძიმისა და ხანგრძლივობის შესამოკლებლად.

ყოველდღიური სუპრესიული თერაპია დაავადების განმეორების რისკს 80%-ით ამცირებს, ხოლო ტრანსმისიისას - 50%-ით.

გლიკოპროტეინ G-ზე დაფუძნებული ტიპსპეციფიკური სეროლოგიური ანალიზები გამოიყენება დაზიანების მქონე ან დაზიანების გარეშე ინფექციის დიაგნოსტირებისთვის და I და II ტიპების განსასხვავებლად.

მარტივი ჰერპესის ვირუსის (HSV) ტიპი 1 (HSV-1) ან მარტივი ჰერპესის ვირუსის ტიპი 2 (HSV-2) ინფექციების ძირითადი კლინიკური გამოვლინება არის ორალური, გენიტალური და ოკულური წყლულები. უფრო იშვიათად, პირველადი ან განმეორებითი HSV ინფექცია შესაძლოა გამოვლინდეს სხვა არეშიც ნევროლოგიური, ჰეპატოლოგიური ან რესპირატორული გართულებებით. პირველი ეპიზოდი ვლინდება მარტივი ჰერპესვირუსული ინფექციის დასაწყისში, რომლის დროსაც მასპინძელს არ აქვს ანტისხეულოვანი პასუხი.

ტუჩის ჰერპესი არის პირისა და ტუჩების ინფექცია, რომელიც დაკავშირებულია მარტივი ჰერპესის ვირუსის I ტიპთან (HSV-1).

გენიტალურ ჰერპესს იწვევს HSV-1 ან HSV-2 ინფექცია. გენიტალური დაწყლულების პირველი კლინიკური ეპიზოდი შესაძლოა ახალი ვირუსის შეძენის ან ახლად ამოცნობილი დაავადების გამოვლინება იყოს.

მარტივი ჰერპესვირუსის 1 და 2 ტიპების დროს შესაძლებელია მიმდინარეობდეს ვირუსის უსიმპტომო გამოყოფა დაზიანებების გარეშე; უსიმპტომო გამოყოფის დროს შესაძლოა მოხდეს ვირუსის გადადება. მარტივი ჰერპესვირუსი ლატენტურად რჩება ნეირონულ განგლიებში და პერიოდულად განიცდის რეაქტივაციას. რეაქტივაცია უმრავლეს შემთხვევაში ასიმპტომურია, მაგრამ ვირუსის გადადება ამ პერიოდში შესაძლებელია.

HSV -ის ოფთალმოლოგიური მართვის დეტალებისთვის, გთხოვთ გადაამისამართეთ უვეიტისა და კერატიტის თემებზე. მოსალოდნელი HSV ენფეფალიტის მართვის დეტალებისთვის, გთხოვთ გადაამისამართეთ ენცეფალიტის თემაზე.