მწვავე ფარინგიტი

მწვავე ფარინგიტი ხასიათდება მწვავედ განვითარებული ყელის ტკივილით. ცხვირის გაჭედვისა და ცხვირიდან გამონადენის არარსებობა ბაქტერიულ ეტიოლოგიაზე მიუთითებს.

დიაგნოზი ემყარება ანამნეზურ და ფიზიკური გამოკვლევის მონაცემებს და დასტურდება ანტიგენის სწრაფი გამოვლენის ტესტებით (A ჯგუფის სტრეპტოკოკური [GAS] ფარინგიტის შემთხვევაში), ყელის კულტურით ან ,საჭიროების შემთხვევაში ,პოლიმერაზული ჯაჭვური რეაქციით. მკაფიოდ გამოხატული ვირუსული სიმპტომების მქონე პაციენტებს არ ესაჭიროებათ A ჯგუფის სტრეპტოკოკური [GAS] ტესტირება.

A ჯგუფის სტრეპტოკოკური ფარინგიტის მკურნალობის მიზანია სიმპტომების სიმძიმისა და ხანგრძლივობის შემცირება, მწვავე რევმატული ცხელებისა ,და დაავადების გავრცელების (გადაცემის) პრევენცია.

ჩვეულებრივ, მწვავე ფარინგიტი თვითგანკურნებადი მდგომარეობაა, რომელიც ორი კვირის ფარგლებში ალაგდება. მიუხედავად ამისა, ინფიცირებულ პირებს არ უვითარდებათ იმუნიტეტი ფარინგიტის ყველაზე ხშირი ეტიოლოგიური აგენტებით რეინფექციის მიმართ.

მკურნალობა, როგორც წესი, მოიცავს დამხმარე მოვლას (მაგ., ტკივილგამაყუჩებელს) და გამომწვევი პათოგენის მკურნალობას (მაგ. ანტიბიოტიკებს A ჯგუფის სტრეპტოკოკის წინააღმდეგ).

ანტიბიოტიკოპროფილაქტიკა რეკომენდირებულია მხოლოდ ანამნეზში რევმატიული ცხელების .მქონე პაციენტებში

მწვავე ფარინგიტი ხასიათდება სწრაფად განვითარებადი ყელის ტკივილითა და ხახის ანთებით (ექსუდატით ან მის გარეშე). მწვავე ფარინგიტი შესაძლოა გამოიწვიოს სხვადასხვა ბაქტერიულმა და ვირუსულმა პათოგენმა, მათ შორის A  ჯგუფის სტრეპტოკოკები (GAS) ,ასევე სოკოვანი პათოგენები (მაგ: Candida albicans). ხველის, ცხვირის გაჭედვისა და ცხვირიდან გამონადენის არარსებობა მიუთითებს ბაქტერიულ და არა ვირუსულ ეტიოლოგიაზე. ზომიერი კლიმატის ქვეყნებში ბაქტერიული ფარინგიტი უფრო ხშირად გვხვდება ზამთარში (ან ადრეულ გაზაფხულზე), ხოლო ენტეროვირუსული ინფექციები ზაფხულსა და შემოდგომაზე.[1]Shulman ST, Bisno AL, Clegg HW, et al. Clinical practice guideline for the diagnosis and management of group A streptococcal pharyngitis: 2012 update by the Infectious Diseases Society of America (Archived). Clin Infect Dis. 2012 Nov 15;55(10):e86-102. http://cid.oxfordjournals.org/content/55/10/e86.long http://www.ncbi.nlm.nih.gov/pubmed/22965026?tool=bestpractice.com [2]Sawyer MH. Enterovirus infections: diagnosis and treatment. Semin Pediatr Infect Dis. 2002 Jan;13(1):40-7. https://www.doi.org/10.1053/spid.2002.29756 http://www.ncbi.nlm.nih.gov/pubmed/12118843?tool=bestpractice.com ​​​​მწვავე ფარინგიტი უმეტესწილად თვითგანკურნებადია და ჩვეულებრივ ორი კვირის განმავლობაში ალაგდება.