იმპეტიგო

კანის მაღალკონტაგიოზური და გავრცელებული ინფექციები, რომლებიც, ჩვეულებრივ, წარმოიქმნება ბავშვებში; ყოველთვის გასათვალისწინებელია სკოლებში და საბავშვო ბაღებში.

ტიპიურად სტაფილოკოკური ან სტრეპტოკოკული. დიაგნოზი, ჩვეულებრივ, კლინიკური ნიშნების საფუძველზე დგინდება; კანის ბაქტერიული კულტურები ითესება ექსტენსიური(გავრცობილი) დაავადების ან ინფექციის გავრცელების რისკის შემთხვევაში.

მცირე ტრავმით ან სხვა დაავადებით დაზიანებული კანი განსაკუთრებით მგრძნობიარეა ინფექციის მიმართ.

ჩვეულებრივ, ლაგდება სპონტანურად ან ადგილობრივი ანტისეპტიკების გამოყენებით.

ადგილობრივი ანტიბიოტიკები (როგორიცაა მუპიროცინი ან ფუზიდიუმის მჟავა) ეფექტურია, მაგრამ რეზისტენტობა შეიძლება ზოგიერთ რეგიონში პრობლემა გახდეს.

სისტემური ანტიბიოტიკების გამოყენება შეიძლება იყოს აუცილებელი; მაგალითად, თუ ინფექცია არ ემორჩილება ადგილობრივ მკურნალობას, თუ არსებობს გართულებების საფრთხე (მაგ., მწვავე რევმატიული ცხელება) ან თუ სავარაუდოა უფრო ღრმა ინფექცია.

იმპეტიგო არის კანის ზედაპირული, კონტაგიოზური, ბუშტუკების გამომწვევი ინფექცია, რომელიც გამოწვეულია ოქროსფერი სტაფილოკოკის და პიოგენური სტრეპტოკოკის ბაქტერიებით. მას აქვს ორი ფორმა: არა ბულოზური და ბულოზური. ბულები სითხით შევსებული >0.5 სმ დიამეტრის დაზიანებებია.

არა ბულოზური იმპეტიგო უფრო გავრცელებული ფორმაა (შემთხვევათა 70%).[1]Hartman-Adams H, Banvard C, Juckett G. Impetigo: diagnosis and treatment. Am Fam Physician. 2014 Aug 15;90(4):229-35. https://www.aafp.org/afp/2014/0815/p229.html http://www.ncbi.nlm.nih.gov/pubmed/25250996?tool=bestpractice.com მიუხედავად იმისა, რომ ამ ფორმაში ბულები არ არის, დაავადების ადრეულ სტადიაზე მცირე ხნით შეიძლება გაჩნდეს ვეზიკულები (<0.5 სმ დიამეტრის სითხით სავსე კერები). ეტიოლოგიური აგენტებია ოქროსფერი სტაფილოკოკი, პიოგენური სტრეპტოკოკი ან ამ ორი ბაქტერიის კომბინაცია. დაზიანების კერები კანის ტრავმის ადგილებზე ჩნდება.

ბულოზური იმპეტიგო ოქროსფერი სტაფილოკოკის კანის ინფექციით არის გამოწვეული. კერები ინტაქტურ კანზე ჩნდება.