ეპიგლოტიტი

ეპიგლოტიტი არის ხორხის ზედა ნაწილის ცელულიტი, რომელმაც შეიძლება გამოიწვიოს სუნთქვის უკმარისობა. ეპიგლოტიტი გადაუდებელი მდგომარეობაა, განსაკუთრებით ბავშვებში. აუცილებელია უსაფრთხოების ზომების მიღება.

ეპიგლოტიტი, როგორც წესი, ვლინდება 2-6 წლის ასაკის ბავშვებში; თუმცა, შეიძლება გამოვლინდეს ნებისმიერ ასაკში, ახალშობილებშიც კი. ქვეყნებში, სადაც არსებობს რუტინული Haemophilus influenzae ტიპი B (Hib) ვაქცინაციის პროგრამა, ახლა ძალიან იშვიათია ეპიგლოტიტი ბავშვებში და უფრო ხშირი შეიძლება იყოს ზრდასრულებში.

ყველაზე ხშირი ნიშნებია: მაღალი ტემპერატურის, ყელის ტკივილის, სეკრეციების კონტროლის დაკარგვის, კლასიკური "სამფეხა სადგამის" პოზიციის, სუნთქვის გაძნელების და გაღიზიანების სწრაფი გამოვლინება. ზრდასრულებში შეიძლება უფრო ნელა მიმდინარეობდეს და საჭირო არ გახდეს სუნთქვის ინტერვენცია (ზრდასრულების მხოლოდ 11% საჭიროებს ინტუბაციას, ხოლო ბავშვების უმეტესობა საჭიროებს ამ ჩარევას).

მნიშვნელოვანია ოტორინოლარინგოლოგის, პედიატრის ან გადაუდებელი სამედიცინო დახმარების განყოფილების ექიმის (რეანიმატოლოგის) და ანესთეზიოლოგის თანამშრომლობა.

შესაძლო ეპიგლოტიტის მქონე ბავშვის სტიმულირება რეკომენდებული არ არის, მაგ. პირის ღრუს გასინჯვით, კათეტერიზაციით, სისხლის აღებით ან მშობლისგან დაშორებით. სტიმულირება არასასურველია ზრდასრულებში ელვისებრი მწვავე ეპიგლოტიტის დროს.

დიაგნოზი დგინდება კლინიკურ საფუძველზე, ეჭვის შემთხვევაში, ლაბორატორიული ან სხვა ჩარევა არ უნდა იყოს სასუნთქი გზების კონტროლის გადადების მიზეზი.

სასუნთქი გზების გამტარობის უზრუნველყოფის შემდეგ და ანტიბიოტიკების ფონზე მდგომარეობა, ჩვეულებრივ, სწრაფად ლაგდება.

ვაქცინაცია არ გამორიცხავს ეპიგლოტიტის ალბათობას, მდგომარეობა H influenzae-თიც კი შეიძლება იყოს გამოწვეული.

ეპიგლოტიტი არის ხორხის ზედა ნაწილის (სუპრაგლოტის) ცელულიტი, რომელსაც შეუძლია გამოიწვიოს სასუნთქი გზების დახშობა. მკურნალობა მიმდინარეობს ქირურგიული გადაუდებელი მდგომარეობის მიდგომით, სანამ არ მოხდება სასუნთქი გზების გასინჯვა და უზრუნველყოფა.[1]Duncan NO. Infections of the airway. In: Cummings CW. Otolaryngology: head and neck surgery, 4th ed. Philadelphia, PA: Mosby; 2005. დიაგნოსტიკური კრიტერიუმებია პაციენტის კლასიკური "სამფეხას/შტატივის" პოზიცია, ნერწყვდენა, მაღალი ტემპერატურა და ტოქსიკური შესახედაობა.