ასთმა მოზრდილებში

ასთმა მოზრდილებში ვლინდება ქოშინის, გულმკერდის შებოჭილობის, ცემინების ან ხველის განმეორებითი ეპიზოდებით.

გასინჯვისას ძირითადად გამოვლინდება მსტვინავი სუნთქვა ამოსუნთქვისას; მძიმე ასთმის დროს ჰაერის მცირე რაოდენობა აღწევს ფილტვებში და აუსკულტაციური მონაცემები ღარიბია.

მკურნალობა ეტაპობრივია, სიმპტომების მიხედვით. პაციენტებს შეიძლება დასჭირდეთ პიკური ექსპირაციული ნაკადის ყოველდღიური მონიტორინგი და უნდა იცოდნენ მძიმე შეტევის გამაფრთხილებელი ნიშნები.

ზოგიერთ პაციენტს შეიძლება, განუვითარდეს პროგრესირებადი, შეუქცევადი ფილტვის ობსტრუქციული დაავადება.

ასთმა სასუნთქი გზების ქრონიკული ანთებითი დაავადებაა, რომელიც ხასიათდება სასუნთქი გზების შექცევადი, ხანგამოშვებითი ობსტრუქციით და ჰიპერრეაქტიულობით.[1]Global Initiative for Asthma (GINA). Global strategy for asthma management and prevention. 2024 [internet publication]. https://ginasthma.org/reports ასთმის პათოგენეზში მრავალი უჯრედოვანი კომპონენტია ჩართული, მათ შორის მასტოიდური უჯრედები, ეოზინოფილები, T ლიმფოციტები, მაკროფაგები, ნეიტროფილები და ეპითელიური უჯრედები. მგრძნობიარე ადამიანებში აღნიშნული დაზიანების გამოვლენისას ანთება იწვევს მზარდ ბრონქულ ჰიპერრეაქტულობას და მსტვინავი ხიხინის (ბრონქოსპაზმის), სუნთქვის უკმარისობის, გულმკერდში შებოჭილობის და ხველის შექცევად ეპიზოდებს, რაც ძირითადად დაკავშირებულია სასუნთქი გზების გავრცელებულ მაგრამ სხვადასხვა ხარისხის ობსტრუქციასთან, რაც შექცევადია ან სპონტანურად, ან მკურნალობის ფონზე.[2]National Institutes of Health; National Heart, Lung, and Blood Institute, National Asthma Education and Prevention Program. Expert panel report 3: Guidelines for the diagnosis and management of asthma. Aug 2007 [internet publication]. https://www.nhlbi.nih.gov/health-topics/guidelines-for-diagnosis-management-of-asthma