კონტაგიოზური მოლუსკი

ბავშვებში ინფიცირებულ კანთან ან დაბინძურებულ საგნებთან კონტაქტის შედეგად ვრცლდება, ზრდასრულებში კი სქესობრივი აქტის გზით.

დაზიანებები ვლინდება, როგორც ცენტრალური ჩანაჭდევის მქონე, მარგალიტის მსგავსი შესახედაობის, გლუვი პაპულები. პაციენტთა სულ მცირე 1/3 უვითარდება ადგილობრივი ერითემის, შესიებისა ან ქავილის სიმპტომები.

დიაგნოზი ძირითადად კლინიკურად ისმება.

ბავშვებში ინფექციის მართვა კონსერვატიულად მიმდინარეობს. ზრდასრულებს უნდა ვუმკურნალოთ გამოფხეკით, კრიოთერაპიით ან კანთარიდინით. თუმცა, მკურნალობის ხელმისაწვდომი საშუალებები ერთნაირია მოზრდილებსა და ბავშვებში.

მკურნალობას თან ახლავს გართულებები; პაციენტს შეიძლება განუვითარდეს დისკომფორტის შეგრძნება, ჭრილობის მეორეული ინფექცია ან ნაწიბური.

აღნიშნულ მდგომარეობას კონტაგიოზური მოლუსკის ვირუსი იწვევს. იგი პოქსვირუსის ჯგუფის ფართოდ გავრცელებული წარმომადგენელია, რომელსაც უნარი აქვს თავი აარიდოს იმუნურ სისტემას თვეების ან წლების განმავლობაში. დაზიანებები, როგორც წესი, კანზე ვითარდება (იშვიათად ლორწოვანზე). ვლინდება, როგორც მარგალიტის მსგავსი შესახედაობის, გლუვი პაპულები ცენტრალური ჩანაჭდევით. მოლუსკის ეპიდერმული ჩანართი სხეულაკების ჰისტოლოგიური ექვივალენტი ჰენდერსონ-პეტერსონის სახელით მოიხსენიება; წარმოადგენს ცენტრალური ნახვრეტის მქონე ვირუსით ინფიცირებული კერატინოციტებს. ბავშვებში დაზიანებები, როგორც წესი, კანიდან კანზე ან დაბინძურებული საგნების მეშვეობით ვრცელდება, ზრდასრულებში კი სქესობრივი აქტის გზით.[1]Silverberg NB. Warts and molluscum in children. Adv Dermatol. 2004;20:23-73. http://www.ncbi.nlm.nih.gov/pubmed/15544196?tool=bestpractice.com [Figure caption and citation for the preceding image starts]: ბავშვში molluscum-ის ფართოდ გავრცელებული გამონაყარი ფერდზე; დაზიანება კანის ან მარგალიტის მსგავსი შეფერილობისაა, ცენტრალური ჩანაჭდევით.ექიმ ნანეტ სილვერბერგის პირადი კოლექციიდან [Citation ends].