ტიფოიდური (ენტერული) ცხელება

ტიფოიდური (ენტერული) სიცხე უმრავლესობრივ ხდება დაბალი შემოსავლის ქვეყნებში, სადაც სანიტარული პირობები არასაკმარისია და წყლის წყაროები არ არის დამუშავებული.

გადაცემა ხდება დაბინძურებული საკვების ან წყლის მოხმარებით.

მაღალშემოსავლიან ქვეყნებში ენტერული ცხელება ძირითადად გვხვდება ენდემური რეგიონებიდან დაბრუნებულ მოგზაურებს შორის.

ეჭვის ხარისხი მატულობს, თუ აღინიშნა გახანგრძლივებული ცხელებით მიმდინარე დაავადება სისხლის თეთრი უჯრედების (ლეიკოციტების) ნორმალური რაოდენობით იმ პირებს შორის, რომელნიც დაბრუნდნენ ენდემურ რეგიონებში მოგზაურობის შემდეგ.

საბოლოო დიაგნოზი დამოკიდებულია ბაქტერიის ამოთესვაზე, როგორც წესი, სისხლის კულტურის საშუალებით.

ანტიბიოტიკოთერაპიის არჩევანი დამოკიდებულია ანტიბიოტიკების მიმართ რეზისტენტობის ტესტის შედეგებზე, მოგზაურობის ისტორიასა და დაავადების სიმძიმეზე.

არსებობს რამდენიმე ვაქცინა, რომელიც უზრუნველყოფს გარკვეულ დაცვას   Salmonella typhi-ისგან. უახლესი კონიუგირებული ვაქცინები უზრუნველყოფს უფრო მაღალ დაცვას, თუმცა ყველა ვაქცინა არ არის ხელმისაწვდომი ყველა ქვეყანაში. ამჟამინდელი ვაქცინები არ უზრუნველყოფს დაცვას S პარატიფისგან.

ტიფოიდური ცხელება არის ფეკალურ-ორალური გზით გადამდები დაავადება, რომელსაც იწვევს ბაქტერია   Salmonella enterica, სეროტიპი typhi. მსგავს კლინიკურ სინდრომს, პარატოფოიდურ ცხელებას, იწვევს Salmonella enterica, სეროტიპი S paratyphi, ხოლო ტერმინები "ენტერული ცხელბა" და ტიფოიდური ინფექცია გამოიყენება ორივე დაავადების აღსაწერად. თუ ეს სხვაგვარად არ არის ჩამოყალიბებული, აქ მოცემული ინფორმაცია ეხება ორივე დაავადებას.