დისემინირებული ინტრავასკულარული კოაგულაცია

დისემინირებული სისხლძარღვშიგა შედედება შეძენილი სინდრომია, რომელსაც ახასიათებს კოაგულაციური გზების აქტივაცია, ინტრავასკულური თრომბის ჩამოყალიბება და თრომბოციტებისა და კოაგულაციის ფაქტორების გამოლევა.

კლინიკური ანამნეზი შეიძლება მოიცავდეს ეპისტაქსისს, ღრძილებიდან სისხლდენას, ჰემატურიას, ოლიგურიას, ხველას, დისპნოეს, ცხელებას, დელირიუმსა და კომას. გასინჯვით შეიძლება გამოვლინდეს პეტექიები, ეკქიმოზები, განგრენა, ფსიქიკური დეზორიენტაცია, ჰიპოქსია, ჰიპოტენზია და სისხლდენა კუჭ-ნაწლავის ტრაქტიდან.

დიაგნოზის დასადგენად საჭიროა გვქონდეს ≥1 დადასტურებულ მდგომარეობა, რომელიც დისემინირებულ სისხლძარღვშიგა შედედებას იწვევს + პათოლოგიები კოაგულაციის ტესტებზე: თრომბოციტების რაოდენობის დაქვეითება, პროთრომბინის დროის გაზრდა, ფიბრინთან დაკავშირებული მარკერების მატება (D დიმერი/ფიბრინის დეგრადაციის პროდუქტები) და ფიბრინოგენის დონის შემცირება.

მითითებულია ფონური დაავადების აგრესიული მკურნალობა. რეფრაქტორულ ჰემორაგიულ ეპიზოდებში ასევე გამოიყენება ახლადგაყინული პლაზმა, თრომბოციტების კონცენტრატი, ანტითრომბინი III, ქსოვილოვანი ფაქტორის გზის ინჰიბიტორი, ჰეპარინი და რეკომბინანტული აქტივირებული VII ფაქტორი.

გართულებებია: სიცოცხლისათვის საშიში ჰემორაგია, თირკმლის მწვავე უკმარისობა, განგრენა და თითების დაკარგვა.

დისემინირებული სისხლძარღვშიგა შედედება შეძენილი სინდრომია, რომელსაც ახასიათებს კოაგულაციური გზების აქტივაცია, ინტრავასკულური თრომბის ჩამოყალიბება და თრომბოციტებისა და კოაგულაციის ფაქტორების გამოლევა. თრომბების ფონზე შესაძლებელია ჩამოყალიბდეს ობსტრუქცია/იშემია და მულტიორგანული უკმარისობა. შეიძლება განვითარდეს სპონტანური სისხლდენა. დისემინირებულ სისხლძარღვშიგა შედედებაზე დიდი ალბათობით მიუთითებს გენერალიზებული სისხლდენა, რომელიც სულ მცირე სამი ერთმანეთისგან დამოუკიდებელ ადგილზე გვხვდება.

დისემინირებული სისხლძარღვშიგა შედედება შეიძლება პროვოცირებული იყოს ძლიერი ტრავმით, ორგანოთა დისფუნქციით, სეფსისით ან მძიმე ინფექციით (მოიცავს COVID-19-საც), სამეანო დაავადებების მძიმე ფორმებით, ზოგიერთი ავთვისებიანი მდგომარეობით, ძირითადი სისხლძარღვოვანი დაავადებებით და ძლიერი ტოქსიკური ან იმუნოლოგიური რეაქციებით.[1]Levi M, De Jonge E, van der Poll T. New treatment strategies for disseminated intravascular coagulation based on current understanding of the pathophysiology. Ann Med. 2004;36(1):41-9. http://www.ncbi.nlm.nih.gov/pubmed/15000346?tool=bestpractice.com [2]Franchini M, Lippi G, Manzato F. Recent acquisitions in the pathophysiology, diagnosis and treatment of disseminated intravascular coagulation. Thromb J. 2006 Feb 21;4:4. http://www.thrombosisjournal.com/content/4/1/4 http://www.ncbi.nlm.nih.gov/pubmed/16504043?tool=bestpractice.com [3]Asakura H, Ogawa H. COVID-19-associated coagulopathy and disseminated intravascular coagulation. Int J Hematol. 2021 Jan;113(1):45-57. https://www.ncbi.nlm.nih.gov/pmc/articles/PMC7648664 http://www.ncbi.nlm.nih.gov/pubmed/33161508?tool=bestpractice.com