ატიპური პნევმონია

საზოგადოებაში შეძენილი პნევმონია, ხშირად აღინიშნება ახალგაზრდებში, რომლებიც ერთმანეთის მახლობლად ცხოვრობენ.

დიაგნოზი ძირითადად კლინიკურია დიაგნოზის დასმა შესაძლებელია ხახის ნაცხის ან ნახველის მოლეკულური ანალიზის საფუძველზე. სეროლოგია შესაძლოა გამოვიყენოთ დიაგნოზის დასადასტურებლად.

მკურნალობა ხშირად ამბულატორიულად ხორციელდება მაკროლიდური ანტიბიოტიკოთი ან დოქსიციკლინით.

შესაძლოა გამოვლინდეს ექსტრაპულმონური ნიშნები, განსაკუთრებით M პნევმონიის ინფექციების დროს.

ატიპურ ბაქტერიულ პნევმონიას იწვევს ატიპიური მიკროორგანიზმები, რომლებიც გრამის საღებავით ვერ გამოვლინდება და მათი კულტივირება სტანდარტული მეთოდების გამოყენებით შეუძლებელია. ყველაზე ხშირი გამომწვევი მიკროორგანიზმებია <em>Mycoplasma pneumoniae</em>, <em>Chlamydophila pneumoniae</em> და <em>Legionella pneumophila</em>. ატიპური ბაქტერიული პნევმონია, როგორც წესი, ხასიათდება სიმპტომების კომპლექსით, რომელიც მოიცავს თავის ტკივილს, სუბფებრილურ ცხელებას, ხველას და შეუძლოდ ყოფნას. კონსტიტუციური სიმპტომები ხშირად დომინირებს რესპირატორულ სიპტომებზე. უმეტეს შემთხვევებში შესაძლოა გამოვლინდეს საზოგადოებაში შეძენილი პნევმონიის უფრო მსუბუქ სპექტრი; თუმცა, ზოგ შემთხვევაში, განსაკუთრებით, თუ გამომწვევი L pneumophila-ია, შესაძლოა გამოვლინდეს მძიმე პნევმონიის სახით, რომელსაც ესაჭიროება ინტენსიური თერაპიის განყოფილებაში მოთავსება. სხვა შესაძლო პათოგენებია Chlamydophila სახეობები, Legionella სახეობები, Coxiella burnetii (Q ცხელება) და რესპირატორული ვირუსები.