ტკიპისმიერი ენცეფალიტის ჯგუფის ვირუსები

ბოლო მიმოხილვა: 16 აპრილი 2021

ბოლო განახლება: 29 სექტებერი 2020

ცენტრალური ნერვული სისტემის ფლავივირუსული ინფექცია, რომელსაც ახასიათებს ორფაზიანი მენინგოენცეფალიტი.

გადაცემა, როგორც წესი, ხდება Ixodes გვარის ტკიპებით. ასევე, შესაძლებელია უმი (არაპასტერიზებული) რძის ან რძის ნაწარმის მიღებით.

დაავადება იწყება ინფიცირებული ტკიპის ნაკბენიდან 4-28 დღის შემდეგ. დიაგნოზი დამოკიდებულია იმუნურ სტატუსზე; სეზონურობაზე; გეოგრაფიულ, ცხოველურ და ფეხსახსრიანთა ექსპოზიციაზე; კლინიკურ ნიშნებსა და რადიოგრაფიულ ცვლილებებზე.

მკურნალობა მოიცავს დამხმარე მოვლას და გართულებების მართვას. აციკლოვირი ემპირიულად გამოიყენება მანამდე, სანამ გამოირიცხება მარტივი ჰერპესვირუსი/ვარიცელა-ზოსტერის ინფექცია.

პაციენტების უმეტესობა სრულიად გამოჯანმრთელდება, ნარჩენი მოვლენების გარეშე.

კანადაში, ევროპასა და რუსეთში ხელმისაწვდომია ოთხი ფართოდ გამოყენებული ვაქცინა პედიატრიული კონტიგენტის და ზრდასრული მოსახლეობისათვის.

განსაზღვრება

ტკიპისმიერი ენცეფალიტი არის ცენტრალური ნერვული სისტემის ფლავივირუსული ინფექცია, რომელსაც ახასიათებს ორფაზიანი მენინგოენცეფალიტი.[1] გადამტანი, როგორც წესი, Ixodes გვარის ტკიპებია.[2] დაავადება იწყება ინფიცირებული ტკიპის ნაკბენიდან 4-28 დღის შემდეგ.[2] შესაძლებელია ასევე განვითარდეს უმი (არაპასტერიზებული) რძის ნაწარმის მიღების შედეგად.[3]