T-2 მიკოტოქსინი

T-2 მიკოტოქსინი ერთადერთი მიკოტოქსინია, რომელიც გამოყენებულია ბიოლოგიურ იარაღად.

აეროზოლის ექსპოზიციის შემთხვევაში, პირველმა მორეაგირე პერსონალმა უნდა ატაროს პირადი დაცვის საშუალებები და დაიწყოს მიმდებარე არეალის ევაკუაცია. დეკონტამინაცია და დამცავი ტანსაცმლის ტარება აუცილებელია, რადგან კანით კონტაქტით ინფექცია შეიძლება გადავიდეს ადამიანიდან ადამიანზე.

დიაგნოზი დგინდება კლინიკურად და ეფუძნება სიმპტომებს (მაგ. კანის ტკივილი და დაბუშტუკება, ღებინება და დიარეა, რესპირატორული სიმპტომები და სისხლდენა) და დაბინძურებულ მარცვლეულთან და/ან აეროზოლებთან ექსპოზიციის ანამნეზს. შესაძლოა განვითარდეს სისტემური სიმპტომები.

პაციენტის მართვის ქვაკუთხედს წარმოადგენს დამხმარე მოვლა ელექტროლიტებისა და სითხის აგრესიული ჩანაცვლების გზით. მკურნალობის გარეშე დატოვებული ექსპოზიციისას სიკვდილობის მაჩვენებელი არის 10-16%.

T-2 მიკოტოქსინი არის A ჯგუფის ტრიქოთეცენ მიკოტოქსინი, რომელსაც ძირითადად გამოიმუშავებს სოკო Fusarium სახეობები. ეს არის ერთადერთი მიკოტოქსინი, რომელიც გამოყენებულია ბიოლოგიურ იარაღად, თუმცა არსებობს სხვა ტოქსინების (მაგ., დიაცეტოქსისცირპენოლის) გამოყენების პოტენციალიც. ორივე აღნიშნული მიკოტოქსინი შესულია დაავადებათა კონტროლისა და პრევენციის ცენტრების (CDC) ფედერალური მნიშვნელობის საფრთხის აგენტების სიაში.[1]Centers for Disease Control and Prevention Federal Select Agent Program. Select agents and toxins list. Nov 2021 [internet publication]. https://www.selectagents.gov/sat/list.htm ტერმინი „მოდიფიცირებული მიკოტოქსინები“ მოიცავს „მშობელი“ (საწყისი) მიკოტოქსინის ნაერთის ყველა შესაძლო წარმოებულს; ის ხშირად გვხვდება დაბინძურებულ საკვებში და ასევე შეიძლება იყოს ტოქსიკოლოგიურად მნიშვნელოვანი.[2]Rychlik M, Humpf HU, Marko D, et al. Proposal of a comprehensive definition of modified and other forms of mycotoxins including "masked" mycotoxins. Mycotoxin Res. 2014 Nov;30(4):197-205. https://www.ncbi.nlm.nih.gov/pmc/articles/PMC4202116 http://www.ncbi.nlm.nih.gov/pubmed/24962446?tool=bestpractice.com [3]Lorenz N, Dänicke S, Edler L, et al. A critical evaluation of health risk assessment of modified mycotoxins with a special focus on zearalenone. Mycotoxin Res. 2019 Feb;35(1):27-46. https://www.ncbi.nlm.nih.gov/pmc/articles/PMC6331505 http://www.ncbi.nlm.nih.gov/pubmed/30209771?tool=bestpractice.com

ინფექციის გადაცემა, როგორც წესი, ხდება ობიანი დაბინძურებული მარცვლეულის მიღების გზით მეტწილად მაშინ, როდესაც პროდუქტი სათანადოდ შენახული არ არის. ტრანსმისიის შედეგად ვითარდება კუჭ-ნაწლავის ტრაქტის სიმპტომები, რომელსაც შესაძლოა მოჰყვეს გახანგრძლივებული ავადმყოფობა ლეიკოპენიითა და ძვლის ტვინის გენეზის სხვა უჯრედების გამოფიტვით.

ქიმიური საომარი მოქმედებების დროს ინფექცია შესაძლოა გაფრქვეული იყოს აეროზოლის სახით, რაც რამდენიმე წამში იწვევს ტოქსიკურობას. სიმპტომები შესაძლოა განვითარდეს ინჰალაციის (იწვევს ყელის ტკივილის მწვავე სინდრომს, სისხლიან გამონადენს ცხვირიდან, დისპნოეს, ხველასა და ცხელებას) და/ან კანზე კონტაქტის გზით (იწვევს წყლულების განვითარებას და სისტემურ ტოქსიკურობას).