დივერტიკულური დაავადება

ძირითადად უსიმპტომოა; შეიძლება ახლდეს ყაბზობა ან მუცლის არასპეციფიკური სიმპტომები.

სიმპტომური მწვავე დივერტიკულიტი ვლინდება ცხელებით, ლეიკოციტოზითა და მარცხენა ქვედა კვადრანტის ტკივილით.

კოლონოსკოპია დივერტიკულური დაავადების ხშირი სადიაგნოსტიკო ტესტია. კომპიუტერული ტომოგრაფია მწვავე დივერტიკულიტის პრიორიტეტული ვიზუალიზაციური კვლევაა და შეცვალა კონტრასტული ოყნა.

მკურნალობა მოიცავს ნაწლავის განტვირთვას, ანტიბიოტიკოთერაპიას და ქირურგიულ ჩარევას.

გართულებებს მიეკუთვნება სისხლდენა, ინფექცია, სეგმენტური კოლიტი, პერფორაცია, აბსცესი, პერიტონიტი, ფისტულა და ობსტრუქცია.

მართეთ მწვავე სისხლდენა ინტრავენური სითხეებით ან სისხლის ტრანსფუზიით და რადიოლოგიურად მართული ჰემოსტაზით (ემბოლიზაცია).

მსხვილი ნაწლავის დივერტიკულოზი გულისხმობს ლორწოვანისა და ლორწქვეშა შრის თიაქარს მსხვილი ნაწლავის კუნთოვან შრეში, რაც შეიძლება გამოწვეული იყოს ნაწლავის გლუვი კუნთის ჭარბი აქტივობით. დივერტიკულური დაავადება შეიძლება განისაზღვროს როგორც ნებისმიერი კლინიკური მდგომარეობა, რომელიც გამოწვეულია ნაწლავური დივერტიკულების სიმპტომებით და მოიცავს უსიმპტომო და მძიმედ გამოხატული, გართულებული დაავადების ფართო სპექტრს. დივერტიკულიტი გულისხმობს დივერტიკულ(ებ)ის ანთებას და შეიძლება გამოწვეული იყოს ინფექციით. დივერტიკულური დაავადების სხვა შესაძლო გართულებებია სეგმენტური კოლიტი, კუჭ-ნაწლავის ტრაქტის ქვედა ნაწილიდან სისხლდენა, ინფექცია, აბსცესი, პერფორაცია, პერიტონიტი და ფისტულის ჩამოყალიბება.