შიგელოზი

Shigella ინფექცია ადვილად ვრცელდება ფეკალურ-ორალური კონტაქტით ან დაბინძურებული წყლით და საკვებით. ის ჩვეულებრივ ვლინდება მსუბუქი, თვითგანკურნებადი ფაღარათის სახით.

S dysenteriae მეტად გავრცელებულია განვითარებად ქვეყნებში და იწვევს დიზენტერიით მიმდინარე უფრო მძიმე დაავადებასS dysenteriae-ის 1-ელი ტიპი აგრეთვე იწვევს ჰემოლიზურ-ურემიული სინდრომის (HUS) განვითარებას, მის მიერ შიგატოქსინის გამომუშავების შედეგად.

მსუბუქი შემთხვევების მკურნალობა, ჩვეულებრივ, დამხმარე ხასიათს ატარებს. შესაძლებელია ანტიბიოტიკების გამოყენება დაავადების მიმდინარეობის შესამოკლებლად და განავალში მიკროორგანიზმების გამოყოფის შესამცირებლად.

ანტიბიოტიკების ემპირიული გამოყენება რეკომენდებულია ბავშვებისთვის, აგრეთვე დაავადების მძიმე ფორმების მქონე მოზრდილთათვის, ხანდაზმულთათვის, მალნუტრიციის დროს ან ქრონიკული დაავადების მქონე პაციენტებისთვის, აგრეთვე ინფექციის გავრცელების შეზღუდვის მიზნით (მაგ. დაწესებულებებში).

პრევენცია უმნიშვნელოვანესია, საბაზისო ჰიგიენური ნორმების დაცვით, რაც გულისხმობს ხელის დაბანას, სუფთა წყლის ხელმისაწვდომობას და საკვების მომზადებას, განსაკუთრებით დაწესებულებებში და საველე ბანაკების პირობებში სტიქიური უბედურებების დროს. ვაქცინები კვლავაც შემუშავების სტადიაზეა.

შიგელოზი მსოფლიოს მასშტაბით წარმოადგენს დიარეული დაავადების ერთ-ერთ მნიშვნელოვან მიზეზს, რომელიც ყველაზე ხშირად აავადებს <5 წლის ასაკის ბავშვებს.[1]Center for Disease Control and Prevention. CDC Yellow Book 2024: health information for international travel. Section 5: travel-associated infections & diseases - shigellosis. Jun 2023 [internet publication]. https://wwwnc.cdc.gov/travel/yellowbook/2024/infections-diseases/shigellosis [2]Khalil IA, Troeger C, Blacker BF, et al. Morbidity and mortality due to shigella and enterotoxigenic Escherichia coli diarrhoea: the Global Burden of Disease Study 1990-2016. Lancet Infect Dis. 2018 Nov;18(11):1229-40. https://www.thelancet.com/journals/laninf/article/PIIS1473-3099(18)30475-4/fulltext http://www.ncbi.nlm.nih.gov/pubmed/30266330?tool=bestpractice.com ​​​[3]Centers for Disease Control and Prevention (CDC). National Shigella surveillance: Shigella Annual Report, 2016. 21 May 2018 [internet publication]. http://www.cdc.gov/nationalsurveillance/shigella-surveillance.html Shigella არის Enterobacteriaceae-ს ოჯახის გვარის წარმომადგენელი, რომელიც მოიცავს აერობული, უმოძრაო, ლაქტოზის ფერმენტაციის უნარის არმქონე გრამ-უარყოფითი ჩხირების 4 სახეობას : S sonnei, S flexneri, S boydii, და S dysenteriae.

შიგელოზი შესაძლებელია გადაეცეს ადამიანიდან ადამიანს (ფეკალურ-ორალური კონტაქტით), ასევე გავრცელდეს დაბინძურებული წყლის და საკვების მეშვეობით. ეპიდაფეთქებები ვლინდება დაწესებულებებსა და ცუდი სანიტარული პირობების მქონე ხალხმრავალ ადგილებში. მიუხედავად იმისა, რომ ზუსტ ექვივალენტს არ წარმოადგენს, ექიმების მიერ ტერმინი "სისხლიანი დიარეა" ზოგჯერ გამოიყენება, როგორც ჩამანაცვლებელი ტერმინი.