პირის ღრუს კანდიდიაზი

პირის ღრუს კანდიდოზი არის პირის ღრუს ინფექცია, რომელიც გამოწვეულია კანდიდას ტიპის საფუარი სოკოთი, მეტწილად C albicans ქვეტიპით. ფსევდომემბრანულ ფორმას ხშირად რძიანას უწოდებენ.

ლორწოვანი გარსის ზედაპირული ინფექცია, რომელსაც ფოკალური ინვაზიისა და სისტემური გავრცელების უნარი გააჩნია.

ხშირად, ლოკალური და სისტემური იმუნოსუპრესული პროცესების ფონზე ვითარდება.

დიაგნოსტიკისთვის მნიშვნელოვანია კლინიკური სურათი

მკურნალობა ტარდება ადგილობრივი ან სისტემური სოკოს საწინააღმდეგო საშუალებებით, ინფექციის სიმძიმის მიხედვით.

ორალური კანდიდოზი პირის ღრუს ქსოვილების ადგილობრივი ინფექციაა, რომელიც საფუარა სოკოს - Candida სახეობით არის გამოწვეული, უმენტესად C albicans. ის პირის ღრუს ყველაზე ხშირი სოკოვანი ინფექციაა და ძირითადად ჩვილებსა და ხანდაზმულ პაციენტებში გვხვდება. თუმცა, ლოკალური ან სისტემური იმუნოსუპრესიის პირობებშიც შეიძლება განვითარდეს. მიუხედავად იმისა, რომ Candida ადამიანის კუჭ-ნაწლავის ტრაქტის და შარდსასქესო ტრაქტის ნორმალურ ფლორად ითვლება, მას ლორწოვანი გარსების ფოკალური ინფექციის (ოროფარინგეული კანდიდოზი, ეზოფაგიტი, ვულვოვაგინიტი), კეროვანი ინვაზიის (ენდოფთალმიტი, მენინგიტი, ენდოკარდიტი) და სისტემური გავრცელების (კანდიდემია) გამოწვევა შეუძლია.