კაპოშის სარკომა

დაბალი ხარისხის სისხლძარღვოვანი ნეოპლაზმა, რომელიც ასოცირდება ადამიანის მე-8 ჰერპესვირუსულ (HHV-8, ასევე ცნობილი როგორც კაპოშის სარკომასთან დაკავშირებული ჰერპესვირუსი [KSHV]) ინფექციასთან.

არსებობს კაპოშის სარკომის 4 ძირითადი ქვეტიპი: ეპიდემიური, დაკავშირებული შიდსთან ; კლასიკური სპორადული; იატროგენული და ტრანსპლანტთან დაკავშირებული; აფრიკული ენდემიური.

პაციენტს შეიძლება აღენიშნებოდეს მულტიფოკალური დაზიანებები კანზე, ლორწოვანზე ან ჩართული იყოს ლიმფური კვანძები და ვისცერული ორგანოები.

მკურნალობა პალიატიურია, მიზნად ისახავს დაავადების პროგრესირების პრევენციას და კოსმესტიკურ გაუმჯობესებას.

კაპოშის სარკომა (KS) არის დაბალი ხარისხის ვაზოფორმაციული ნეოპლაზმა, რომელიც ასოცირდება ადამიანის მე-8 ჰერპესვირუსულ (HHV-8, ასევე ცნობილი როგორც კაპოშის სარკომასთან დაკავშირებული ჰერპესვირუსი [KSHV]) ინფექციასთან.[1]Chang Y, Cesarman E, Pessin MS, et al. Identification of herpesvirus-like DNA sequences in AIDS-associated Kaposi's sarcoma. Science. 1994 Dec 16;266(5192):1865-9. http://www.ncbi.nlm.nih.gov/pubmed/7997879?tool=bestpractice.com დაზიანება ხშირად მოიცავს კანსა და ლორწოვანს, თუმცა შეიძლება გახდეს უფრო გავრცობილი, ჩაერთოს ლიმფური კვანძები და შინაგანი ორგანოები. კანის დაზიანება თავდაპირველად კეროვანია, შემდეგ ხდება ფოლაქი და საბოლოოდ წყლულოვანი სიმსივნური კვანძის სახეს იღებს.