ახალი მკურნალობები

შერწყმის ინჰიბიტორები

HR1-HR2 კომპლექსის ფორმირების ინჰიბიტორები თავიდან გვაცილებენ ვირუსის სამიზნე უჯრედებში შეღწევას. თუმცაღა მრავალრიცხოვანი ექსპერიმენტული მონაცემია ხელმისაწვდომი, არც ერთი კლინიკური კვლევა, ან ადამიანებში ეფექტურობის დამადასტურებელი მონაცემი არ არსებობს.[56]

აზოტის ოქსიდი და აზოტის ოქსიდის დონორები

ეს ნივთიერებები, რომლებიც თრგუნავენ SARS კორონაროვირუსის(CoV) რეპლიკაციის ციკლს, გამოყენებული იყო, როგორც გადამრჩენი თერაპია SARS დაავადებულ რამდენიმე პაციენტში და გამოითქვა ვარაუდი, რომ აზოტის ოქსიდი გარკვეული დონის კლინიკური ეფექტურობით გამოირჩევა ინფექციის მკურნალობისას.[57]

ადამიანის მონოკლონური ანტისხეულების განეიტრალება

ეს მეთოდი გვთავაზობს პასიურ დაცვას და შეიძლება, იდეალურ ვარიანტში გამოყენებული იქნას პოსტინფექციურ პერიოდში. თუმცა არსებობს მრავალრიცხოვანი ექსპერიმენტული კვლევები, კლინიკური მონაცემების რაოდენობა არასაკმარისია, რომ წარმოჩინდეს ადამიანის მონოკლონური ანტისხეულების განეიტრალების მიზნობრივი ეფექტურობა ადამიანებში.[58]

ჩინური ბალახები

ძალიან სუსტი მტკიცებულება არსებობს იმაზე, რომ ჩინურ ბალახებს აღმოსავლურ მედიცინასთან ერთად SARS დაავადებულ პაციენტებში ძალუძთ სიმპტომების, ცხოვრების ხარისხის გაუმჯობესება, ფილტვის ინფილტრატების გაწოვის დაჩქარება და კორტიკოსტეროიდების დოზირების შემცირება. ჩინური ბალახებისა და აღმოსავლური მედიცინის კომბინაციის შედარებისას აღმოსავლურ მედიცინასთან სიკვდილობის შემცირების მხრივ არავითარი სხვაობა არ გამოვლენილა.[59]

ნიკლოზამიდი

ანტიჰელმინთური პრეპარატი, რომელიც თრგუნავს SARS-CoV რეპლიკაციას. ნიკლოზამიდის შესახებ მხოლოდ ინ ვიტრო მონაცემები არსებობს.[60]

ვალინომიცინი

ციკლოდეფსიპეპტიდური ინსექტიციდი, რომელიც მოქმედებს, როგორც კალიუმის იონის გადამტანი, თრგუნავს ვირუსების რეპლიკაციას. შესაძლოა, ის ინ ვიტრო ყველაზე ძლიერმოქმედი პრეპარატი აღმოჩნდეს SARS-CoV მკურნალობისას.[61]

მცირე ზომის ინტერფერირებული რნმ(siRNAs)

მათი მოქმედება ვირუსის მესენჯერი რნმ-ის პოსტ-ტრანსკრიპციული რეგულაციის მეშვეობით ხდება და ცხოველებში არავითარი გვერდითი მოვლენა არ გამოვლენილა.[62]

აურინტრიკარბოქსილური მჟავა

ეს ნივთიერება თრგუნავს SARS-CoV რეპლიკაციას მასპინძელ უჯრედებში. ადამიანებში ეფექტურობის შესახებ არავითარი კლინიკური კვლევა, ან რაიმე სხვა დამადასტურებელი მონაცემი არ არის ცნობილი.[63]

რნმ ინტერფერონის ინდუქტორი(ამპლიგენი)

ცხოველებში რნმ ინტერფერონის ინდუქტორი როგორც აღმოჩნდა, ფილტვის ქსოვილში ვირუსის ტიტრს თრგუნავს. ადამიანებში ეფექტურობის შესახებ არავითარი კლინიკური კვლევა, ან რაიმე სხვა დამადასტურებელი მონაცემი არ არის ცნობილი.[64]

გლიკოპეპტიდური ანტიბიოტიკები

გლიკოპეპტიდური ინტიბიოტიკების რამდენიმე ნახევრად სინთეზურმა დერივატმა SARS-CoV-ის დამთრგუნველი ქმედება გამოავლინა. ადამიანებში ეფექტურობის შესახებ არავითარი კლინიკური კვლევა, ან რაიმე სხვა დამადასტურებელი მონაცემი არ არის ცნობილი.[65]

ჰესპერეტინი

ფენოლური კომპონენტი, რომელიც აინჰიბირებს 3CLpro-ს გახლეჩვის უნარს. 3CLpro მონაწილეობს რეპლიკანტური 1a და 1ab პოლიპეპტიდების პროტეოლიზურ გადამუშავებაში ფუნქციურ პროტეინებად, რომლებიც SARS-CoV ვირუსის არსებობისთვისაა აუცილებელი. ჰესპერეტინის შესახებ მხოლოდ ინ ვიტრო მონაცემები არსებობს.[66]

დიტერპენოიდები

ამ ნივთიერებების SARS-CoV-ზე დამთრგუნველი მოქმედების შესახებ მხოლოდ ინ ვიტრო მონაცემები არსებობს.[61]

კალპეინის დამთრგუნველები

უჯრედული ცისტეინპროტეინაზების კლასი, რომლებიც თრგუნავს SARS-CoV რეპლიკაციას. ადამიანებში კალპეინის დამთრგუნველების მიზნობრივი ეფექტურობის მაჩვენებელი კლინიკური მონაცემების სიმწირეა.[67]

მცენარეული ჰემაგლუტინინები

ამ ნივთიერებების კორონაროვირუსების საწინააღმდეგო ქმედება განისაზღვრება ვირუსის რეპლიკაციური ციკლის 2 სამიზნე ობიექტზე ზემოქმედებით. მცენარეული ჰემაგლუტინინების შესახებ მხოლოდ ინ ვიტრო მონაცემები არსებობს.[68]

გლიცირიზინი

ძირტკბილას ფესვის აქტიური კომპონენტი, როგორც აღმოჩნდა, ინ ვიტრო SARS-CoV რეპლიკაციას თრგუნავს. ადამიანებში გლიცერიზინის მიზნობრივი ეფექტურობის მაჩვენებელი კლინიკური მონაცემები მწირია.[69]

ქლოროქინი

ანტიმალარიულ პრეპარატს როგორც აღმოჩნდა, შეუძლია უარყოფითი ზემოქმედება მოახდინოს ვირუს-რეცეპტორულ ბმებზე. ვარაუდობენ, რომ ქლოროქინი ხელს უშლის ვირუსის გავრცელებას უჯრედების კულტურაში.[70]

ნელფინავირი

ამ ნივთიერებას ანტი-SARS-CoV ქმედება აღმოაჩნდა ექსპერიმენტულ მოდელებში. ადამიანებში ეფექტურობის შესახებ არავითარი კლინიკური კვლევა, ან რაიმე სხვა დამადასტურებელი მონაცემი არ არის ცნობილი.

ვაქცინები

პერიფერიული მეხსიერების B-უჯრედების რეაქცია დაუდგენელია SARS გამოჯანმრთელებულ პაციენტებში. ამის საწინააღმდეგოდ, სპეციფიური T-უჯრედების ანამნესტური რეაქცია შეიძლება შენარჩუნდეს სულ მცირე 6 წელი. ეს მონაცემები გამოიყენება SARS შესაძლო ხელახლა გამოვლინებისთვის მოსამზადებლად.[71] რამდენიმე შესაძლო ვაქცინა განვითარების ეტაპზეა, მათ შორის ინაქტივირებული ვირუსული ვაქცინა, პროტეინზე დამყარებული ვაქცინა(RBD-Fc), რეკომბინირებული ადენოსატელიტური ვირუსის გადამტანი ვაქცინა(RBD-rAAV), და შესუსტებული ვირუსის ვაქცინა. მიუხედავად იმისა, რომ SARS-CoV -ის იმუნიზაცია სადღეისოდ კლინიკურ პრაქტიკაში არ გამოიყენება, როგორც ჩანს, შესაძლებელია.[72][73]

აღნიშნული მასალა უნდა გამოიყენოთ disclaimer მიხედვით