B12 ვიტამინის დეფიციტი

კლასიკურად გამოვლლინდება მეგალობლასტური ანემიით, მაგრამ შესაძლოა აგრეთვე აღინიშნებოდეს პერიფერიული ნეიროპათია და ნეიროფსიქიატრიული ჩივილები.

ხანდაზმული პაციენტები, პაციენტები ქრონიკული მალაბსორბციით, ანამნეზში კუჭის რეზექციით ან შუნტირებით და ისინი, ვინც იღებენ გარკვეულ მედიკამენტებს (მეტფორმინი, პროტონის ტუმბოს ინჰიბიტორები), არიან რისკის ქვეშ.

ადრეულ ეტაპზე დიაგნოზის დასმას კრიტიკული მნიშვნელობა აქვს ისეთი ნევროლოგიური დაავადების პრევენციისა და შეჩერებისთვის, როგორიცაა პერიფერიული ნეიროპათია და დემენცია.

მეთილმალონილ მჟავისა და ჰომოცისტეინის დონე შესაძლოა დაგვეხმაროს B12 ვიტამინის დეფიციტის დიაგნოსტირებაში ადრეულ, უსიმპტომო ეტაპზე.

B12 ვიტამინი დეფიციტის მიზეზი უნდა მოიძებნოს მას შემდეგ, რაც დიაგნოზი დადასტურდება.

მაღალი დოზით პერორული B12 ვიტამინი თერაპია შესაძლოა ისეთივე ეფექტური იყოს, როგორც ინტრამუსკულური B12 ვიტამინი თერაპია.

B12 ვიტამინის დეფიციტი ხშირი მდგომარეობაა, რომელიც შესაძლოა გამოავლინდეს ნევროლოგიური, ფსიქიატრიული და ჰემატოლოგიური დარღვევებით. ვიტამინი B12 შეუცვლელი ვიტამინია და დეფიციტი ზოგადად ვლინდება შეწოვის დეფექტის ან საკვებში მისი ნაკლებობის დროს. მაშინ, როცა მძიმე დეფიციტმა შესაძლოა გამოიწვიოს პერმანენტული ნევროლოგიური დაზიანება, ადრეული მანიფესტაცია, როგორც წესი ბუნდოვანია ან საერთოდაც - უსიმპტომო.

B12 ვიტამინის დეფიციტის ალბათობა უნდა განისაზღვროს შრატში B 12 ვიტამინის დონით შემდეგნაირად: <148 პიკომოლ/ლ (<200 პიკოგრამ/მლ) მიუთითებს სავარუდო დეფიციტზე, 148 - 258 პიკომოლ/ლ (201 - 350 პიკოგრამ/მლ) მიუთითებს შესაძლო დეფიციტზე და >258 პიკომოლ/ლ (>350 პიკოგრამ/მლ) მიუთითებს, რომ დეფიტი ნაკლებად სავარაუდოა.[1]Devalia V, Hamilton MS, Molloy AM; British Committee for Standards in Haematology. Guidelines for the diagnosis and treatment of cobalamin and folate disorders. Br J Haematol. 2014 Aug;166(4):496-513. http://onlinelibrary.wiley.com/doi/10.1111/bjh.12959/full http://www.ncbi.nlm.nih.gov/pubmed/24942828?tool=bestpractice.com [2]Snow CF. Laboratory diagnosis of vitamin B12 and folate deficiency: a guide for the primary care physician. Arch Intern Med. 1999 Jun 28;159(12):1289-98. http://archinte.ama-assn.org/cgi/content/full/159/12/1289 http://www.ncbi.nlm.nih.gov/pubmed/10386505?tool=bestpractice.com