რეაქტიული ართრიტი

პაციენტი შეიძლება ანამნეზში აღნიშნავდეს შარდსასქესო, ან დიზენტერიული ინფექციას ართრიტის დაწყებამდე 1-4 კვირით ადრე

გამოვლინდება ისეთი სისტემურ სიმპტომებით, როგორიცაა ცხელება, პერიფერიული და აქსიალური ართრიტი, ენთეზიტი(მყესის ძვალთან მიერთების ადგილის ანთება), დაქტილიტი(ფეხის, ან ხელის თითის შეშუპება), კონიუნქტივიტი და ირიტი, და კანის დაზიანება, მათ შორის რგოლისებური ბალანიტი და ჰონორეული კერატოდერმა

რეაქტიულ ართრიტის(ReA) დროს პერიფერიული ართრიტი ძირითადად ასიმეტრიული ოლიგოართიკულური ართრიტია, რაც ძირითადად ქვედა კიდურების დიდ სახსრებს აზიანებს, თუმცა შესაძლოა, განვითარდეს მონოარტიკულური და პოლიარტიკულური ართიტებიც

ReA დიაგნოსტირებისთვის სპეციფიკური ტესტი არ არსებობს. ძირითადად, თუ ეჭვს მივიტანთ ანთებითი ართრიტისთვის დამახასიათებელ კლინიკურ სიმპტომებზე პოსტ-ვენერიულ, ან პოსტ-დიზენტერიულ პერიოდში, ვარაუდის დასადასტურებლად ამ დროს გამოიყენება ტესტების ჯგუფი

მკურნალობის მიზნად მიჩნეულია სიმპტომების ალაგება და სახსრის შემდგომი დაზიანების პრევენცია, ან შეჩერება. ტიპურ პრეპარატებად მიჩნეულია არასტეროიდული ანტიანთებითი მედიკამენტები(NSAID), კორტიკოსტეროიდები და დაავადების მამოდიფიცირებელი ანტირევმატული საშუალებები(DMARD).

პაციენტების დაახლოებით 30-50%-ს უმთავრესად უვითარდება ქრონიკული ReA-ის რომელიმე ფორმა

ანთებით მიმდინარე ართრიტი, რომელიც ვლინდება გასტროინტესტინური და შარდსასქესო სისტემის გარკვეულ ინფექციებთან ექსპოზიციის შედეგად. კლასიკური ტრიადა - პოსტინფექციური ართრიტის , არაგონოკოკური ურეთრიტი და კონიუქტივიტი ხშრად ფიქსირდება, მაგრამ მხოლოდ მცირე შემთხვევებში ვლინდება და არ არის აუცილებელი დიაგნოსტირებისთვის.[1]Parker CT, Thomas D. Reiter's syndrome and reactive arthritis. J Am Osteopath Assoc. 2000;100:101-104. http://www.ncbi.nlm.nih.gov/pubmed/10732393?tool=bestpractice.com სიმპტომების ზემოთაღნიშნული ტრიადა ჰანს რეიტერმა აღწერა 1916 წელს მიუხედავად ამისა, ტერმინი "რეიტერის სინდრომი" ხმარებიდან ამოვარდა ნაცისტურ პარტიასთან ავტორის სიახლოვისა და საკონცენტრაციო ბანაკების ტყვეებზე მის მიერ ჩატარებული სამედიცინო ექსპერიმენტების გამო[2]Lu DW, Katz KA. Declining use of the eponym "Reiter's syndrome" in the medical literature, 1998-2003. J Am Acad Dermatol. 2005;53:720-723. http://www.ncbi.nlm.nih.gov/pubmed/16198806?tool=bestpractice.com ReA მიეკუთვნება სპონდილოართროპათიების ოჯახს, გაერთიანებულია მსგავსი კლინიკური, რადიოგრაფიული და ლაბორატორული მონაცემების მიხედვით და დაკავშირებულია HLA-B27-თან. აერთიანებს ფსორიაზულ ართრიტს, მაანკილოზებელ სპონდილიტს, ნაწლავის ანთებითი პათოლოგიით გამოწვეულ ართრიტსა და არადიფერენცირებულ სპონდილოართროპათიას