ტოქსოპლაზმოზი

ტოქსოპლაზმოზის პროტოზოული პარაზიტები ვრცელდება საკვებით და წყლით, რომლებიც დაბინძურებულია ოოციტებით, დაინფიცირებული ხორცით ან ოოციტებთან კონტაქტით კატის ფეკალიებიდან.

მწვავე ინფექცია ჩვეულებრივ უსიმპტომოა და ერთხელ თუ მოხვდა პარაზიტი ადამიანის ორგანიზმში, მთელი ცხოვრების განმავლობაში იქ რჩება.

სიმპტომური დაავადება შესაძლოა აღინიშნოს იმუნოკომპრომისულ პაციენტებში, რომლებსაც რეაქტივირებული ლატენტური ან ახლადშეძენილი ინფექცია აქვთ.

თვალის სიმპტომური დაავადება შეიძლება დაფიქსირდეს როგორც იმუნოკომპრომისულ, ასევე იმუნოკომპეტენტურ პაციენტებში.

პირველადი ინფექცია ორსულობის დროს ხშირად უსიმპტომოა დედებში, მგრამ შესაძლოა გამოიწვიოს თანდაყოლილი დაავადება ნაყოფში.

ტოქსოპლაზმოზს იწვევს პროტოზოული პარაზიტი Toxoplasma gondii. კატები არიან ამ პარაზიტის ძირითადი მასპინძლები და შეუძლიათ მილიონობით ოოციტი გამოყონ, რომლებიც გადარჩებიან გარემოში თვეების განმავლობაში. ადამიანები შუალედური მასპინძლები არიან და ინფიცირდებიან უმი ხორცის მიღებით, რომელიც დაინფიცირებულია ქსოვილოვანი ცისტებით (ბრადიზოიტები), ოოცისტებით დაბინძურებული სხვა საკვების ან წყლის მიღებით ან ტაქიზოიტების ტრანსპლაცენტური გავრცელებით.[1]Dubey JP. The life cycle of Toxoplasma gondii. In: Ajioka JW, Soldati D, eds. Toxoplasma molecular and cellular biology. Norfolk, UK: Horizon Bioscience; 2007:chapter 1. როგორც კი ბრადიზოიტების ან ოოციტების გადაყლაპვა მოხდება ან ტაქიზოიტები გავრცელდება პლაცენტიდან ნაყოფში, T gondii სწრაფად გადავა ქსოვილებში და ორგანოებში, სადაც ის ინკაპსულირდება და მუდმივად რჩება. ადამიანები მთელი ცხოვრების მანძილზე რცებიან დაინფიცირებულნი და ხშირად უსიმპტომონი არიან, თუ პაციენტს არ აქვს იმუნოსუპრესია.