დიფერენციული დიაგნოზები
პოლინოზი (ალერგიული რინიტი)
ნიშნები / სიმპტომები
რინიტი გვხვდება სპეციფიკურ ალერგენებთან ექსპოზიციის საპასუხოდ.
დაავადების ქრონიკული ფლუქტუაციური მიმდინარეობა, ალერგენული სტიმულაციის და სეზონურობის მიხედვით.
ყელის ტკივილის არსებობა, უფრო სავარაუდოდ, მიუთითებს გაციებაზე.
ატოპიის სხვა ნიშნები, რომლებიც მიუთითებს მდგომარეობაზე.
კვლევები
კანის ალერგიული სინჯი და „in vitro“ სპეციფიკური IgE განსაზღვრა - დისგნოსტიკური ტესტები.
ქრონიკული სინუსიტი
ნიშნები / სიმპტომები
სიმპტომები გრძელდება 6 კვირაზე მეტ ხანს. როგორც წესი, დიაგნოსტირდება რადიოლოგიური კვლევების საშუალებით. ქრონიკული სინუსიტის ძირითადი კლინიკური მახასათებლები მოიცავს ჰიპოსმიას ან ანოსმიას.
უფრო ხშირად ახასიათებს ქრონიკული ანთება, ვიდრე ბაქტერიული ინფექცია, განსაკუთრებულად მოზრდილებში.
კვლევები
ქრონიკული სინუსიტის შემთხვევაში, სინუსის CT სკანირებით ვლინდება დარღვევები.
ტონზილიტი
ნიშნები / სიმპტომები
ჩვეულებრივ ბავშვებში და 15 წლამდე ასაკის მოზარდებში. შეიძლება ჰქონდეთ ინფიცირებულ ადამიანთან კონტაქტის ისტორია, განსაკუთრებით დახურულ სივრცეში.
ტონზილების შეშუპება ან ექსუდატი და ყელის წინა ჯირკვლების მტკივნეულობა.
მწვავე სტრეპტოკოკული ტონზილიტის შემთხვევაში, პაციენტთა უმრავლესობას აღენიშნება მაღალი ტემპერატურა, ხველის არარსებობა.
McIsaac-ის შკალის გამოყენება შეიძლება დაგვეხმაროს A ჯგუფის სტრეპტოკოკით გამოწვეული(GAS) ყელის მწვავე ტკივილის ალბათობის დადგენაში; 2 ან 3 ქულისას უნდა ჩატარდეს ხახის ნაცხიის აღება. [ ყელის ტკივილის (ფარინგიტის) შეფასებისა და მკურნალობის კრიტერიუმები (მაკ ისააკი) Opens in new window ] [27]
კვლევები
ყელის დადებითი კულტურა უმეტეს შემთხვევაში ადასტურებს დიაგნოზს.
სწრაფი სტრეპტოკოკური ანტიგენის ტესტები შეიძლება გამოყენებულ იქნას სასწრაფო სამედიცინო ტესტირებისთვის.
მწვავე ფარინგიტი
ნიშნები / სიმპტომები
გაზ-ფარინგიტი ყველაზე ხშირად გვხვდება 15 წლამდე ასაკის ბავშვებში და მოზარდებში. ანამნეზში შესაძლოა გამოვლინდეს GAS-ით დაავადებულ პირთან მჭიდრო კონტაქტი
ხველის არარსებობა ან ყელის ადენოპათიის ან ფარინგეულიი ექსუდატის არსებობა GAS-ფარინგიტის დროს.
მაკ ისააკის ქულების გამოყენება [ ყელის ტკივილის (ფარინგიტის) შეფასებისა და მკურნალობის კრიტერიუმები (მაკ ისააკი) Opens in new window ] დამხმარეა A ჯგუფის სტრეპტოკოკებისგან გამოწვეული ყელის მწვავე ტკივილის (GAS) ალბათობის განსაზღვრაში; 2 ან 3 ქულის შემთხვევაში აიღება ხახის ნაცხი.[27]
კვლევები
ყელის დადებითი კულტურა უმეტეს შემთხვევაში ადასტურებს დიაგნოზს.
სწრაფი სტრეპტოკოკური ანტიგენის ტესტები შეიძლება გამოყენებულ იქნას სასწრაფო სამედიცინო ტესტირებისთვის.
ქუნთრუშა
ნიშნები / სიმპტომები
GAS ფარინგიტის ისტორია.
მჭიდრო კონტაქტი სკარლეტის ცხელების ან სხვა GAS-ით დააავდებულ პირთან.
ბავშვები 1-დან 10 წლამდე. იშვიათია 1 წლამდე ასაკის ბავშვებსა და მოზრდილებში.
დამახასიათებელი ქუნთრუშასერი გამონაყარის არსებობა. შესაძლოა გამოვლინდეს ჟოლოსებრი ენა.
ხველა ან სხვა ვირუსული სიმპტომების არარსებობა (მაგ., რინორეა).
კვლევები
დიაგნოზი ძირითადად კლინიკურად ისმება.
თუ შესაძლებელია, გამოყენეულ იქნას ანტიგენის სწრაფი გამოვლენის ტესტები, რაც დადებითი იქნება GAS-ზე, თუ არსებობს GAS ინფექცია.
ბაქტერიის კულტურის კვლევა ან PCR შეიძლება გამოყენებულ იქნას, როდესაც სწრაფი ტესტები არ გამოიყენება ან არ არის რეკომენდირებული, და დადებითი იქნება GAS-ზე, თუ GAS ინფექცია არსებობს.
მწვავე სინუსიტი
ნიშნები / სიმპტომები
მწვავე დაავადება ხშირად ვითარდება ინფექციური გამომწვევით.
როგორც წესი, დიაგნოსტირდება კლინიკურად და შესაძლებელია მიმდინარეობდეს ცხვირის გაჭედვასთან, ხველასთან, ღია ფერის ნაზალურ ლორწოსთან და სახის არეში წნევის შეგრძნებასთან/ტკივილთან ერთად.
ტკივილი სახის არეში იშვიათი და საეჭვო ნიშანია; თუმცა, შუბლის და ჰაიმორის ღრუზე პერკუსიისას აღმოცენებული ტკივილი, მიუთითებს ბაქტერიული სინუსიტის არსებობაზე. კბილის ტკივილი და ადგილობრივი და პერორული შეშუპების საწინააღმდეგო წამლების არაეფექტურობა, ზრდის მწვავე ბაქტერიული სინუსიტის არსებბის ალბათბას.
კვლევები
დიაგნოზი კლინიკურია
ინფექციური მონონუკლეოზი
ნიშნები / სიმპტომები
მცირეწლოვან ბავშვებში ხშირად უსიმპტომოა
კარგად აღწერილი სინდრომი, მაკულოპაპულური გამონაყარით, დაღლილობით, ცხელებით, ლარინგიტით და შეუძლოდ ყოფნით.
ხშირია ჰეპატოსპლენომეგალია.
კვლევები
სისხლის საერთო ანალიზით ვლინდება ლიმფოციტოზი
როგორც წესი, დიაგნოსტიკურია ჰეტეროფილური ანტისხეულების დადებითი ტესტი; შესაძლოა იყოს ცრუ-უარყოფითი პასუხი დაავადების ადრეულ სტადიაზე.
EBV (ეპშტეინ-ბარის ვირუსი) ანტისხეულის ტიტრებით შესაძლებელია EBV ინფექციის მწვავე და ქრონიკული ფორმების განსხვავება.
სეზონური გრიპი
ნიშნები / სიმპტომები
ძირითადი ნიშნებია ცხელება, თავის ტკივილი, კუნთების ტკივილი, და შეუძლოდ ყოფნა.
სიმპტომები უფრო მძიმეა, ვიდრე ზემო სასუნთქი გზების ინფექციებისას.
სავარაუდოა 38°C (>100.4°F)-ზე მაღალი ცხელება მოზრდილებში.
შესაძლებელია გამოიწვიოს სამსახურის ან სკოლის გაცდენის/არააქტიურობის პერიოდის გახანგრძლივება.
შესაძლებელია გამოიწვიოს მნიშვნელოვანი გართულებები ასაკოვან და იმუნოკომპრომეტირებულ პირებში.
კვლევები
ვირუსული კულტურა, ანტისხეულების პირდაპირი იმუნოფლუორესცენტული შეღებვა, და უკუტრანსკრიპტაზასს პოლიმერაზულ-ჯაჭვური რეაქცია აღიარებული ტესტებია.
2019 წლის კორონავირუსით გამოწვეული დაავადება (COVID-19)
ნიშნები / სიმპტომები
შეიძლება გამოვლინდეს არასასურველი კონტაქტების ისტორია. განვიხილოთ არსებული ეპიდემიოლოგიური მდგომარეობა.
ნიშნები და სიმპტომები მსგავსია, რის გამოც შეიძლება ძნელი იყოს კლინიკური მდგომარეობების დიფერენცირება.
კოვიდ-19 - თან შედარებით გაციებითი დაავადების დროს იშვიათია ცხელება, ხოლო პირიქით - დამახასიათებელია თავის ტკივილი, რინორეა, მიალგია და ყელის ტკივილი. იმ შემთხვევაში, თუ ვლინდება მრავალი ზოგადი სიმპტომი, დიაგნოზი შეიძლება იყოს მარტივი ვირუსული ინფექცია, და არა COVID-19.[31]
კვლევები
რეალურ დროში უკუ-ტრანსკრიპტაზას პოლიმერაზული ჯაჭვური რეაქცია (RT-PCR) დადებითია SARS-CoV-2 რნმ-ისთვის. ასევე შეიძლება გამოყენებულ იქნას ანტიგენის სწრაფი ტესტები.
ფრინველის გრიპი A (H5N1) ვირუსული ინფექცია
ნიშნები / სიმპტომები
გრიპისთვის დამახასიათებელი კლინიკური სურათი (მაგ. ცხელება, ხველა, ყელის ტკივილი, კუნთების ტკივილი, შეუძლოდ ყოფნა), ჩვეულებრივ ისეთ საზოგადოებაში, სადაც ცირკულირებს H5N1 ვირუსი ან იმ პირთან, რომელიც მოგზაურობდა ასეთ საზოგადოებაში.
კვლევები
გრიპის ვირუსის აღმოჩენა შესაძლებელია ვირუსის კულტურით, ანტისხეულების პირდაპირი იმუნოფლუორესცენტული შეღებვით და უკუტრანსკრიპტაზას PCR-ით. H5N1 გრიპის A ვირუსის იდენტიფიცირების ყველაზე საიმედო საშუალებაა უკუტრანსკრიპტაზას პოლიმერაზული ჯაჭვური რეაქცია (PCR), რომლის ჩატარება შესაძლებელია სპეციალიზებულ ლაბორატორიებში. შეიძლება ჩატარდეს როგორც უშუალოდ პაციენტის ნიმუშებზე (მაგ. ცხვირხახის ნაცხი ან ასპირატი, ნაზალური გამონარეცხი და ნაცხი ან ტრაქეის ასპირატი), ასევე პაციენტის ნიმუშიდან ამოთესილ ვირუსზე.
ფრინველის გრიპი A (H7N9) ვირუსული ინფექცია
ნიშნები / სიმპტომები
გრიპისთვის დამახასიათებელი კლინიკური სურათი (მაგ. ცხელება, ხველა, ყელის ტკივილი, კუნთების ტკივილი, შეუძლოდ ყოფნა), ჩვეულებრივ ისეთ საზოგადოებაში, სადაც ცირკულირებს H7N9 ვირუსი ან იმ პირთან, რომელთაც კონტაქტი ჰქონდათ მოგზაურობის დროს ასეთ საზოგადოებაში.
კვლევები
H7N9 ინფექციის დიაგნოზის არჩევის ტესტი არის უკუტრანსკრიპტაზა-PCR ტესტირება აზიური შთამომავლობის A (H7N9) ვირუსის რნმ-ზე. ტესტი შეიძლება ჩატარდეს სპეციალურ ლაბორატორიებში. ზედა სასუნთქი გზების ნიმუში (მაგ. ცხვირის ნაცხი, ყელის ნაცხი, ნაზოფარინქსის ნაცხი ან ასპირატი) შეიძლება გამოყენებულ იქნას, მაგრამ ქვედა სასუნთქი გზების ნიმუში (მაგ. ნახველი, ტრაქეის ასპირატი, ბრონქოალვეოლარული ამორეცხვა) ნაკლებად იძლევა ცრუ უარყოფით შედეგს.
ყივანახველა
ნიშნები / სიმპტომები
ზემო სასუნთქი გზების საწყისი სიმპტომები შესაძლებელია გაქრეს რამოდენიმე კვირაში მძიმე ხველების შემდეგ, ამასთან პაროქსიზმული ხველის სიხშირე თავიდან მატულობს და შემდეგ რჩება უცვლელი რამოდენიმე კვირის განმავლობაში. შესაძლებელია აღინიშნებოდეს ინსპირაციული სტვენა და ხველისშემდგომი ღებინება. აუსკულტაციით შესაძლებელია ინსპირატორული სტრიდორის მოსმენა.
კვლევები
Bordetella pertussis არსებობა ნაზოფარინგულ ნაცხებსა ან ასპირატებში.
რესპირატორული სინციტური ვირუსული ინფექცია
ნიშნები / სიმპტომები
რესპირატორულ სინციტიურ ვირუსთან ექსპოზიციის ანამნეზი.
უმთავრესად ემართებათ 6 თვემდე ასაკის ჩვილებს და მათ, ვისაც ანამნეზში აქვს ნაადრევი ან გარკვეული თანმხლები დაავადებები.
სეზონური ეპიდაფეთქებები ზამთარში (განსხვავდება რეგიონებს შორის).
ჩვილებში შეიძლება აღინიშნოს სუნთქვის გაძნელება, ხიხინი, აპნოე ან საკვების მიღებაზე უარი.
კვლევები
PCR დადებითია RSV რნმ-სთვის.
დიფთერია
ნიშნები / სიმპტომები
შესაძლებელია იყოს ენდემურ ადგილებში ექსპოზიციის ან მოგზაურობის ისტორია.
ყელის ტკივილი და დაბალი სიცხე (ჩვეულებრივ <39°C [<102°F]), რასაც მოსდევს დისფაგია, დისფონია, დისპნოე და კრუპოზული ხველა, თუ ადგილი აქვს ფსევდომემბრანის გაზრდას და/ან საყლაპავის და ხახის უკანა ნერვების ჩათრევას.
ტონზილების და/ან ხახის თავზე შესაძლებელია წარმოიქმნას მონაცისფრო ყავისფერი ფსევდომემბრანა ყელის ტკივილიდან 2 -5 დღეში. მკურნალობის გარეშე შესაძლებელია გასქელდეს და გავრცელდეს. ყელის შესიებამ და ლიმფადენოპათიამ შესაძლებელია გამოიწვიოს დამახასიათებელი სქელი კისრის ჩამოყალიბება.
კვლევები
თუ ეს შესაძლებელია, ცხვირიდან და ყელიდან, ფსევდომემბრანის ქვემოდან აღებული ნაცხები მიკროსკოპული შემოწმებით და დათესვით დადებითია დიფტერიის ჩხირებზე.
მენინგოკოკური დაავადება
ნიშნები / სიმპტომები
შესაძლებელია მიმდინარეობდეს არასპეციფიკური რესპირატორული ნიშნებით/სიმპტომებით. შესაძლებელია მიმდინარეობდეს ტაქიკარდიით, სისხლის მაღალი წნევით და მაღალი ცხელებით.
დაავადების განვითარებასთან ერთად შესაძლებელია დაფიქსირდეს შემდეგი: წყურვილის გრძნობა, სუნთქვის დარღვევა, პეტექიური გამონაყარი, პერიფერიული სისხლძარღვების შევიწროვება, ცნობიერების ცვლილება, ფოტოფობია, ჰიპოტონია, კეფის კუნთების რიგიდულობა, გულყრა და ტაქიკარდია.
ჩვილებში შესაძლებელია თავი იჩინოს ყიფლიბანდის გამობერვამ და დამახასიათებელმა მაღალ ხმაზე ტირილმა.
კერნიგის ან ბრუძინსკის დადებითი ნიშნები მიუთითებს მენინგეურ ანთებაზე და სავარაუდოა მენინგიტი; აღინიშნება პაციენტების მცირე ნაწილში.
კვლევები
Neisseria meningitidis იზოლირება სხეულის სტერილური ადგილიდან (სისხლი, ცერებროსპინური სითხე, სახსრების, პლევრალური სითხე, პერკარდიული სითხე ან პურპურული კერიდან ასპირაციული ან ბიოფსიური ნიმუში) წარმოადგენს ინვაზიური მენინგოკოკური ინფექციების დიაგნოზის დამადასტურებელ ტესტს.
აივ სეროკონვერსიული ავადმყოფობა
ნიშნები / სიმპტომები
მრავალ აივ-ინფიცირებულ პირს შეიძლება განუვითარდეს მწვავე კლინიკური დაავადება, რომელიც, როგორც წესი, აივ ინფიცირებიდან 2-4 კვირაში ვლინდება.
ხშირად ამოიცნობა რეტროსპექტულად, რადგან სურათი არასპეციფიკურია.
დაავადების დასაწყისი მწვავეა და გრძელდება დაახლოებით 2 კვირა.
ძირითადი სიმპტომებია ჯიკრვლოვანი ცხელების ტიპის დაავადება ცხელებით, შეუძლოდ ყოფნით, მიალგიით, ფარინგიტით, თავის ტკივილებით, დიარეით, ნევრალგიით ან ნეიროპათიით, ლიმფადენოპათიით, მაკულოპაპულური გამონაყარით და კანის და ლორწოვანი გარსის წყლულებით.
კვლევები
ჰუმორული იმუნოდეფიციტისას დაბალია იმუნოგლობულინის დონე. უჯრედუი იმუნოდეფიციტი მიუთითებს T-უჯრედების დისფუნქციაზე და/ან აივ-ზე.
ამ მასალის გამოყენება ექვემდებარება ჩვენს განცხადებას