მიდგომა

მიდგომა უნდა მოიცავდეს შემდეგს:

  • პაციენტის ისტორია, რომლითაც ვლინდება დიაგნოზთან შეთავსებადი სიმპტომოკომპლექსის არსებობა.

  • მდგომარეობაზე მიმანიშნებელი რისკფაქტორების გამოვლენა (მაგალითად, სეზონურობა, თამბაქოს მოხმარება, დაინფიცირებულ ადამიანებთან კონტაქტი)

  • გასინჯვა, ტემპერატურის გაზომვის, პირხახის, ნესტოების, კისრის და გულმკერდის შეფასების ჩათვლით; თუ პაციენტი შეუძლოდაა, განიხილეთ გრიპი, როგორც მიზეზი და დამატებით შეაფასეთ პულსი და სისხლის წნევა, რათა გამოირიცხოს ბაქტერიებით გამოწვეული სეპტიკური შოკი (მაგ. მენინგოკოკური სეპტიცემია)

  • სკრინინგულად, მსგავსი დარღვევების იდენტიფიცირებით, ალტერნატიული დიაგნოზის გამორიცხვა

საწყის ეტაპზე ლაბორატორიული ტესტები საჭირო არ არის.

ანამნეზი.

ხშირი სიმპტომები მოიცავს რომელიმეს ან ყველას ჩამოთვლილთაგამ:

  • გაჭედილი ცხვირი/ცხვირიდან გამონადენი

  • ცემინება

  • ყელის ტკივილი

  • ხველა

  • თავის ტკივილი

  • შეუძლოდ ყოფნა

  • ცხელება.

ალტერნატიული ან ფონური დიაგნოზები უნდა განვიხილოთ, თუ:

  • ყელის ტკივილი წარმოადგენს ძირითად სიმპტომს (უნდა გამოირიცხოს სტრეპტოკოკური ტონზილიტი, განსაკუთრებით თუ პაციენტი 15 წელზე ნაკლები ასაკისაა). მაკ ისააკის ქულების გამოყენება[ ყელის ტკივილის (ფარინგიტის) შეფასებისა და მკურნალობის კრიტერიუმები (მაკ ისააკი) ] შეიძლება სარგებლიანი იყოს სტრეპტოკოკური ტონზილიტის დიფერენცირებისთვის.[27]

  • რინიტი გრძელდებოდა 14 დღეზე მეტ ხანს (მაგ. ალერგიული რინიტი)

  • დაავადება იწყება მოულოდნელად ცხელებით, შეციებით და კუნთების ძლიერი ტკივილით (მაგ. გრიპი ან პნევმონია)

  • დამახასიათებელი სიმპტომები:

    • პლევრიტული ტკივილი, დიდი ოდენობით ნახველი ან სისხლიანი ნახველი (მაგ. პლევრიტი ან პნევმონია)

    • ოტალგია (მაგ. შუა ყურის ანთება)

    • ტკივილი სახის არეში(სინუსიტი)

  • გამოვლენილია მენინგეური ნიშნები (ცნობიერების ცვლილება, ფოტოფობია, ჰიპოტონია, კეფის კუნთების რიგიდულობა, გულყრა და ტაქიკარდია).

ფიზიკური გამოკვლევა

ტემპერატურა:

  • ზრდასრულებში მომატებული ტემპერატურა უჩვეულოა, მაგრამ ის ხშირია ბავშვებში. როცა ტემპერატურა აღემატება 38°C-ს (100.4°F), ეს ზრდის გრიპის დიაგნოზის ალბათობას.[28] საშუალო სიმძიმის პაციენტებში უნდა შეფასდეს პულსი და სისხლის წნევა, რათა გამოირიცხოს ბაქტერიული წარმოშობის სეპტიკური შოკი (მაგ. მენინგოკოკური სეპტიცემია). მენინგოკოკური სეპტიცემია შეიძლება ვერ განვასხვავოთ გაციებისგან, რადგან ორივე შესაძლოა მიმდინარეობდედს ცხელებით და კუნთების ტკივილით; თუმცა, მენინგოკოკური სეპტიცემიისთვის ნაკლებადაა დამახასიათებელი რესპირატორული სიმპტომები, როგორიცაა ყელის ტკივილი, ცემინება და რინიტი. პაციენტებს სავარაუდოდ აღენიშნებათ ცხელება, ტაქიკარდია და ჰიპოტენზია.

პირხახის გამოკვლევა:

  • ტიპური ვირუსული ინფექციის დროს ადგილი ექნება ხახის არასპეციფიკურ ერითემულ ანთებას. შესაძლებელია განვითარდეს ჩირქოვანი ნადები ხახის უკანა ნაწილში. ტონზილეზე ჩირქის არსებობა მიანიშნებს სტრეპტოკოკურ ტონზილიტზე და აუცილებელია, კისრის წინა ლიმფური ჯირკვლების გასინჯვა.

ნესტოები:

  • შეიძლება განვითარდეს ერითემა და შეშუპება. როგორც წესი, ორივე ნესტოში აღინიშნება ჩირქოვანი გამონადენი.

კისრის კუნთების რიგიდობა:

  • უნდა შეფასდეს, ვინაიდან ეს მენინგიზმის სახასიათო ნიშანია. ჩვილებში შესაძლებელია თავი იჩინოს ყიფლიბანდის გამობერვამ და დამახასიათებელმა მაღალ ხმაზე ტირილმა. კერნიგის ან ბრუძინსკის დადებითი ნიშნები მიუთითებს მენინგეურ ანთებაზე, მენინგიტისთვისაა დამახასიათებელი და გვხვდება პაციენტების ძალინ მცირე ნაწილში.

გაციების დიაგნოსტიკისთვის გადამწყვეტია გულმკერდის სუფთა სურათი. თუ პაციენტს აღენიშნება ქვეო რესპირატორული ნიშნები, სხვა დიაგნოზებიც უნდა განვიხილოთ, როგორიცაა მაგალითად, ასთმის მწვავე შეტევა, ფილტვების ქრონიკული ობსტრუქციული დაავადება (ფქოდ) ან პნევმონია. ბავშვებში უნდა გამოირიცხოს ბრონქიოლიტი და კრუპი.

ლაბორატორული ტესტები

დიაგნოზის დასადასტურებლად ლაბორატორიული ტესტები საჭირო არ არის. ჯანდაცვის პირველად რგოლში, მწვავე რესპირატორული სიმპტომების მქონე პაციენტებისთვის სამედიცინო მომსახურების ადგილზე C-რექტიულ ცილაზე (CRP) ტესტირების ჩატარებამ, შესაძლებელია შეამციროს ანტიბიოტიკების გამოყენების სიხშირე, მაგრამ ეს არანაირ ზემოქმედებას არ მოახდენს პაცენტების გამოკითხვაზე დაფუძნებულ შედეგებზე.[29] არ არსებობს საერთო აზრი გაციებასთან დროს სტაციონარულ პირობებში ტესტირების ჩატარების თაობაზე.

როდესაც პაციენტი დაავადების ნორმალური ხანგრძლივობის შემდგომაც სიმპტომურია ან ჩნდება ატიპური ნიშნები, შიძლება გამართლებული იყოს გარკვეული ლაბორატორიული კვლევების ჩატარება. სპეციფიკური ტესტებით შეიძლება დაადასტურდეს ან გამორიცხოს ალტერნატიული დიაგნოზები. ასეთი ტესტებია, მაგალითად, ყელის ნაცხი სტრეპტოკოკური ფარინგიტის გამოსავლენად ან გულმკერდის რენტგენოგრაფია პნევმონიის დასადასტურებლად. ჰეტეროფილური ანტისხეულების ტესტი აუცილებელია, როდესაც არსებობს კლინიკური ეჭვი ინფექციურ მონონუკლეოზზე.

სწრაფი ვირუსული ტესტების გამოყენებით არ შემცირებულა ანტიბიოტიკების მოხმარება; შემცირდა გულმკერდის რენტგენოგრაფიის საჭიროება გადაუდებელი დახმარების განყოფილებებში, მაგრამ არა სხვა ტესტირებების სიხშირე ან მოცდის პერიოდი.[30] ვირუსებზე ტესტირება განიხილება, როგორც მხოლოდ კვლევის ნაწილი ან ინსტრუმენტი პანდემიის დროს, გრიპის ადრეული დიაგნოსტირებისთვის.

აღნიშნული მასალა უნდა გამოიყენოთ disclaimer მიხედვით