მიდგომა

პირველი ნაბიჯი არის პნევმონიის მქონე პაციენტის დეტალური ანამნეზის შეკრება და გასინჯვა. დიაგნოზი შესაძლოა დაისვას კლინიურად შესაბამის გარემოში, თუმცა, ჩვეულებრივ, სისხლის ანალიზი, ბიოქიმიური ანალიზი და გულ-მკერდის რენტგენიც კეთდება. უფრო მძიმე ავადმყოფობის შემთხვევაში, განსაკუთრებით როდესაც საჭიროა ჰოსპიტალიზაცია, შესაძლო ტიპური ბაქტერიული პათოგენის იდენტიფიცირების მიზნით, შეიძლება საჭირო გახდეს სისხლის და ნახველის სპეციფიკური კულტურები და შარდის ანტიგენური ტესტები Legionella და Streptococcus pneumoniae-ზე.[17] ზოგი ავტორი რეკომენდაციას უწევს სპეციფიკური ტესტების გამოყენებას ატიპური ბაქტერიული და ვირუსული პათოგენების იდენტიფიცირებისთვის, სპეციფიკური მიზნობრივი თერაპიის წარმართვის მიზნით.[31] ზოგიერთ შემთხვევაში (25%-მდე) შესაძლებელია შერეული ინფექციების იდენტიფიცირება.[3] თუ ხელმისაწვდომია, უნდა ჩატარდეს ვიროლოგიური დიაგნსტიკა გრიპის შესაძლო მკურნალობის სახელმძღვანელოდ.

ანამნეზი და კლინიკური გასინჯვა

ძირითად რისკ-ფაქტოებს მიეკუთვნება მჭიდროდ დასახლებული პირობები (როგორიცაა: სკოლა-ინტერნატები, კოლეჯის საერთო საცხოვრებლები, სამხედრო ტრენინგის ბაზები ან საავადმყოფოები)[4][29] და იმუნოსუპრესია. რესპირატორული ინფექციის მქონე პირთან ექსპოზიციის არსებობა ანამნეზში ასევე რისკფაქტორია ატიპური ბაქტერიული პნევმონიის განვითარებისთვის. ატიპიური ბაქტერიული პნევმონიის მქონე მრავალი პაციენტი 50 წელზე უმცროსია.

უმეტეს შემთხვევაში პაციენტები უჩივიან პერსისტენტულ ხველას, რომელიც არ გადის დროთა განმავლობაში. მშრალი ხველის არსებობამ სიმპტომების დაწყებიდან ხანგრძლივი დროის განმავლობაში უნდა გამოიწვიოს ეჭვი ატიპური პათოგენის არსებობაზე. არსებობის შემთხვევაში ცხელება სუბფებრილურია მრავალ შემთხვევაში Mycoplasma pneumoniae და Chlamydophila pneumoniae, ფარინგიტი, ხმის ჩახლეჩა და თავის ტკივილი შეიძლება აღინიშნოს. ლეგიონელას ინფექციებს შეიძლება თან ახლდეს დიარეა. ბულოზური მირინგიტი იშვიათი ნიშანია, რომელიც მიუთითებს M pneumoniae ინფექციაზე. M pneumoniae პნევმონიას შესაძლოა ახლდეს გამონაყარი, ძირითადად თვითგანკურნებადი მაკულოპაპულური ან ვეზიკულური. ზოგიერთ შემთხვევაში შეიძლება აღინიშნოს სტივენს-ჯონსონის სინდრომის უფრო მძიმე ფორმა, რომელიც გავლენას ახდენს პირის ღრუს ლორწოვანზე ან სხვა ნაწილებზე.

პნევმონიის კლინიკური ნიშნები, როგორიცაა ხიხინი / კრეპიტაცია, შესაძლოა იყოს მსუბუქი ან საერთოდ არ აღინიშნებოდეს.

ატიპურ პათოგენზე ეჭვის არსებობა

მოზრდილებში საზოგადოებაში შეძენილი პნევმონიების მკურნალობის შესახებ გაიდლაინები შექმნილია ატიპური პათოგენების დასაფარად.[17] მიუხედავად ამისა, საუკეთესო გზა იქნება დიაგნოზის დადასტურება ნებისმიერ ატიპურ პათოგენზე ეჭვის აარსებობისას, რადგანაც ეს გავლენას ახდენს მკურნალობის ხანგრძლივობაზე.

გულმკერდის რენტგენი ადასტურებს ინფილტრატების არსებობას და შეიძლება გამოავლინოს უფრო ექსტენსიური დარღვევები, ვიდრე გასინჯვა გვიჩვენებს. ჟანგბადის დაბალი სატურაცია მიუთითებს მძიმე დაავადებაზე, რასაც ჰოსპიტალიზაციას საჭიროებს.

სისხლის თეთრი უჯრედების (WBC) რაოდენობა უნდა შემოწმდეს იმ პაციენტებში, რომლებიც საჭიროებენ ჰოსპიტალიზაციას. სისხლის თეთრი უჯრედების რაოდენობის შედარებით მოამტება აღინიშნება (ჩვეულებრივ <13,000 x 10⁹/ლ [<13,000/მიკროლიტრი]). შედარებითი ლიმფოციტოზი აღინიშნება, თუ ინფექცია არის ვირუსული გენეზის. M pneumoniae ინფექციის დროს შესაძლოა ჰემოგლობინი იყოს დაბალი. ღვიძლში მომატებული ფერმენტები მიუთითებს M pneumoniae ან Legionella pneumophila. ღვიძლის ფუნქციური ტესტები უნდა გაკეთდეს ჰოსპიტალიზებულ პაციენტებში. შარდოვანას დონის მომატება (70,7 მმოლ / ლ; > 198 მგ / დლ) მიგვითითებს უფრო მძიმე დაავადებაზე.

ხახის ნაცხზე M pneumoniae-ის მოლეკულური სადიაგნოსტიკო ტესტები ხელმისაწვდომია სხვადასხვა ფორმატში, მათ შორის ბინაზე და კომერციული ანალიზები. C pneumoniae-ის მოლეკულური სადიაგნოსტიკო ტესტები ხელმისაწვდომია და კეთდება როგორც ნახველზე ასევე ხახის ნაცხზე. თუმცა, ბევრ ტესტს შორის სტანდარტიზაციის არარსებობამ შეიძლება გავლენა იქონიოს დიაგნოზისა და ვალიდურობის მაჩვენებლებზე.[32] ნიდერლანდებში ჩატარებულმა კვლევამ გარკვეული კამათი გამოიწვია პოზიტიური პოლიმერაზული ჯაჭვური რეაქციის შედეგების ინტერპრეტაციასთან დაკავშირებით 16 წლამდე ასაკის პაციენტებში, ჯანმრთელი ბავშვების ზედა სასუნთქი გზებში M pneumoniae-ის მტარებლობის მაღალი მაჩვენებლების გამო.[33] მაგრამ აშშ-ში ჩატარებულმა სხვა კვლევამ ვერ შეძლო აღნიშნული დაკვირვების მხარდაჭერა.[3] ახალი ვალიდური ტესტები, რომლებიც კომერციულად ხელმისაწვდომი ხდება, ხელს შეუწყობს ატიპური პნევმონიის ეტიოლოგიის გარკვევას.[34]

შესაძლოა, ასევე ჩატარდეს სეროლოგია M pneumoniae-სა და C pneumoniae-ზე, თუმცა ასეთ ტესტებს გავლენა არ ექნება მკურნალობაზე, იმის გათვალისწინებით, რომ დიაგნოზი დადასტურდება რეტროსპექტულად, გამოჯანმრთელების ფაზის სეროლოგიის საფუძველზე. ის საჭიროებს სისხლის ანალიზს დაავადების ადრეულ ეტაპზე და განმეორებით ანალიზს სულ ცოტა 10 დღის შემდეგ. მრავალი ტესტის სტანდარტიზაციის არარსებობამ შესაძლოა გავლენა იქონიოს დიაგნოზის მაჩვენებლებზე. ის შესაძლოა აგრეთვე გამოვიყენოთ ატიპური პათგენების და ზოგიერთი ვირუსის დიაგნოზის დასადასტურებლად. უმეტეს შემთხვევაში, სეროლოგია იქნება Coxiella burnetii პნევმონიის ძირითადი სადიაგნოსტიკო ტესტი.[35]

როდესაც უცნობია, საზოგადოებაში შეძენილი პნევმონიის გამომწვევი ტიპურია თუ ატიპური, უნდა ჩატარდეს ნახველის გრამის წესით შეღებვა და კულტივირება. შარდის შესაძლოა ასევე გაიგზავნოს ლეგიონელას ანტიგენზე ტესტირებისთვის.[17] ცხვირხახის ვირუსების კულტივირება შესაძლოა რთული იყოს და შედეგების მისაღებად ზოგჯედ დღეებია საჭირო. თუმცა, ცხვირ-ხახის ვირუსის ნაცხის მოლეკულური სადიაგნოსტიკო საშუალებები ფართოდაა გავრცელებული.

აღნიშნული მასალა უნდა გამოიყენოთ disclaimer მიხედვით