Videos
ვენიპუნქტურა და ფლებოტომია - ანიმაციური დემონსტრაცია
როგორ ავიღოთ ვენური სისხლის ნიმუში ანტეკუბიტალური ფოსოდან ვაკუუმის ნემსის გამოყენებით.
საჭირო ხელსაწყოები
არასტერილური ხელთათმანები
ლახტი (სასურველია ერთჯერადი)
სპირტიანი ხელსახოცი
ბამბა/წკირი
შპრიცი ან ვაკუტაინერი
21-იანი მწვანე ან 23-იანი ლურჯი ნემსი, ან ვაკუტაინერის ნემსი
ნიმუშის ბოთლები, საჭიროებისამებრ სისხლის კულტურაზე
წებოვანი ლენტი
ბასრი საგნების კონტეინერი.
თანხმობა და პაციენტის იდენტიფიკაცია
თქვენ უნდა განიხილოთ პაციენტთან პროცედურის მიზეზი და ხასითი და მიიღოთ სიტყვიერი თანხმობა.[66]
სისხლის ნიმუშების აღებამდე დაადასტურეთ პაციენტის ვინაობა შეკითხვით „რა გქვია?“ და "რა არის შენი დაბადების თარიღი?" გადაამოწმეთ ეს ინფორმაცია პაციენტის სამაჯურით და სისხლის ტესტის მოთხოვნით.[66]
ლაბორატორიების უმეტესობას სჭირდება ხელნაწერი ეტიკეტები და ფორმები სისხლის ბანკის მოთხოვნებისთვის, როგორიცაა ჯგუფი და შენახვა. თუმცა, სადაც ხელმისაწვდომია ელექტრონული მოთხოვნა ტესტირებაზე და ფორმის და ნიმუშის მარკირება, დამტკიცებული პროცესები უნდა იყოს დაცული. ყოველთვის მოახდინეთ სინჯარების მარკირება პაციენტის თანდასწრებით.[66] ეს უნდა იყოს ერთი უწყვეტი ქმედება პაციენტის მხარეს.
უკუჩვენებები
თუ ცნობიერებაშენახული პაციენტი უარს ამბობს სისხლის ანალიზზე, არ გააკეთოთ ვენიპუნქტურა.
ვენური პუნქციის სხვა უკუჩვენებებია:
იფსილატერალური არტერიოვენური ფისტულა ან არტერიოვენური მალფორმაცია
ქირურგიული ან სხვიური თერაპია იფსილატერალურ იღლიაზე
იფსილატერალური ლიმფედემა
ადგილობრივი ინფექცია ან ცელულიტი
ძლიერი მიდრეკილება სისხლდენის მიმართ ან კოაგულოპათია.
ჩვენებები
როგორც წესი, თქვენ შეგიძლიათ გამოიყენოთ სისხლის ანალიზები, რათა:
დაადგინოთ დაავადებების დიაგნოზები (კლინიკურ ანამნეზთან და გასინჯვით მოპოვებულ მონაცემებთან ერთად)
დააკვირდეთ მკურნალობის პასუხს და თერაპიის არასასურველ ეფექტებს
დააკვირდეთ პაციენტებს პერიოპერაციულ პერიოდში
მოახდინოთ დაავადებების სკრინინგი
აწარმოოთ მონიტორინგი დაავადების ხელახალ განვითარებაზე.
გართულებები
დროებითი ტკივილი და დისკომფორტი
დაჟეჟილობა, სისხლდენა და ჰემატომის ჩამოყალიბება
ადგილობრივი ინფექცია
არტერიული პუნქცია
თუ ადეკვატური ნიმუშის მოპოვება ვერ მოხერხდა
ნიმუშების არასწორი მარკირება.
შემდგომი მოვლა
დააწექით პუნქციის მიდამოს სისხლდენის შეწყვეტისთვის საკმარისი დროის განმავლობაში. პუნქციის მიდამოში მოათავსეთ წებოვანი თაბაშირი ან ბამბა და სახვევი.
ფრთხილად მონიშნეთ ყველა ნიმუში და მოითხოვეთ ფორმები და გადაყარეთ ყველა ბასრი ნივთი და სხვა ნივთები ბასრი ნივთების ურნაში ან კლინიკური ნარჩენების ურნაში. ყოველთვის მოახდინეთ სინჯარების მარკირება პაციენტის თანდასწრებით.[66] ეს უნდა იყოს ერთი უწყვეტი ქმედება პაციენტის მხარეს.