SARS

ინფექციური დაავადების პირველი პანდემია 21-ე საუკუნეში; 2004 წლის შემდეგ შემთხვევები არ დაფიქსირებულა.

ინფექციის მაკონტროლებელი ღონისძიებები უკიდურესად მნიშვნელოვანია; ჩვეულებრივ, გადაცემა ხდება ინფიცირებული პირის რესპირატორულ წვეთებთან პირდაპირი კონტაქტით.

დიაგნოზის დასადასტურებლად არჩევის ტესტ-მეთოდია უკუტრანსკრიპტაზას პოლიმერაზული ჯაჭვური რეაქცია (RT-PCR).

მკურნალობა ძირითადად ორიენტირებულია სასიცოცხლო მაჩვენებლების შენარჩუნებაზე; არც სპეციფიური მკურნალობა და არც ვაქცინა არ არსებობს.

ლეტალობის მაჩვენებელი დაახლოებით 10%-ია და სიკვდილი ძირითადად უკავშირდება სუნთქვის მძიმე უკმარისობას.

მძიმე მწვავე რესპირატორული სინდრომი(SARS) ვირუსული პნევმონიაა, რაც სწრაფად გადაიზრდება სუნთქვის უკმარისობაში.[1]Christian MD, Poutanen SM, Loutfy MR, et al. Severe acute respiratory syndrome. Clin Infect Dis. 2004;38:1420-1427. http://cid.oxfordjournals.org/content/38/10/1420.long http://www.ncbi.nlm.nih.gov/pubmed/15156481?tool=bestpractice.com ეს არის ახლად გამოვლენილი პოტენციურად ფატალური ინფექციური დაავადება.[2]World Health Organization: global alert and response (GAR). Summary of probable SARS cases with onset of illness from 1 November 2002 to 31 July 2003. December 2003 [internet publication]. http://www.who.int/csr/sars/country/table2004_04_21/en/ ახლად გამოვლენილი კორონაროვირუსი (SARS-CoV), იდენტიფიცირებული, როგორც დაავადების გამომწვევი, არ მიეკუთვნება არც ერთ ადრე აღწერილ კორონაროვირუსს.[3]Peiris JS, Lai ST, Poon LL, et al. Coronavirus as a possible cause of severe acute respiratory syndrome. Lancet. 2003;361:1319-1325. http://www.ncbi.nlm.nih.gov/pubmed/12711465?tool=bestpractice.com ეს სინდრომი დაკავშირებულია ქვემო სასუნთქი გზების მწვავე სიმპტომებსა და ნიშნებთან და რადიოლოგიურად კონსოლიდაციის მტკიცებულებასთან, რაც ვითარდება ინფიცირებულ პირთან ახლო კონტაქტის შემდეგ.[1]Christian MD, Poutanen SM, Loutfy MR, et al. Severe acute respiratory syndrome. Clin Infect Dis. 2004;38:1420-1427. http://cid.oxfordjournals.org/content/38/10/1420.long http://www.ncbi.nlm.nih.gov/pubmed/15156481?tool=bestpractice.com