მწვავე ქოლეცისტიტი

მწვავე ქოლეცისტიტი ქოლელითიაზის (ნაღვლოვანი კენჭების) ძირითადი გართულებაა; ნაღვლოვანი კენჭების სიმპტომურად გამოვლენა ხშირად წინ უსწრებს ქოლეცისტიტის განვითარებას.

ხშირია მუცლის მარჯვენა ზედა კვადრანტის (RUQ) ტკივილი, რომელიც გრძელდება 3-6 საათზე მეტხანს და ცხელება.

გასინჯვით გამოვლენილი ძირითადი ნიშნებია: მუცლის მარჯვენა ზედა კვადრანტის მტკივნეულობა, გამობერილი წარმონაქმნი მარჯვენა ზედა კვადრანტში, მერფის დადებითი ნიშანი.

ულტრაბგერა საწყისი უპირატესი კვლევაა; ჰეპატობილიური იმინოდიაცეტატით (HIDA) სკანირება და MRI ინფორმატიულია იმ შემთხვევებში, როცა დიაგნოზი გაურკვეველია.

ოპტიმალური მკურნალობა არის ადრეული ქოლეცისტექტომია.

მწვავე ქოლეცისტიტი ნაღვლის ბუშტის მწვავე ანთება და ქოლელითიაზის, ანუ ნაღვლოვანი კენჭების ერთ-ერთი ძირითადი გართულებაა. მწვავე ქოლეცისტიტის შემთხვევათა უმეტესობა (90%) გამოწვეულია ნაღვლის ბუშტის სადინრის ობსტრუქციით. აღნიშნული ვითარდება ნაღვლის ბუშტის ყელსა ან სანაღვლე სადინარში კენჭის ჩაჭედვის შედეგად, რაც იწვევს ნაღვლის ბუშტის კედლის ანთებას.[1]Ziessman HA. Acute cholecystitis, biliary obstruction and biliary leakage. Semin Nucl Med. 2003 Oct;33(4):279-96. http://www.ncbi.nlm.nih.gov/pubmed/14625840?tool=bestpractice.com ნაღვლის გასქელება (დეჰიდრატაციის გამო) ან ნაღვლის სტაზი (ტრავმის ან მძიმე ფორმის სისტემური დაავადების გამო) შემთხვევათა 5%-ში იწვევს ნაღვლის ბუშტის სადინრის დახშობას, რის შედეგადაც ვითარდება აკალკულოზური (არაკენჭოვანი) ქოლეცისტიტი.[1]Ziessman HA. Acute cholecystitis, biliary obstruction and biliary leakage. Semin Nucl Med. 2003 Oct;33(4):279-96. http://www.ncbi.nlm.nih.gov/pubmed/14625840?tool=bestpractice.com [Figure caption and citation for the preceding image starts]: სანაღვლე გზებიშექმნილია BMJ Publishing Group მიერ [Citation ends].

ბაქტერიული ინფექცია შეიძლება განვითარდეს, როგორც მეორეული მახასიათებელი; ის არ არის მაინიცირებელი მოვლენა. ინფექცია შეიძლება იყოს საზოგადოებაში შეძენილი ან ჰოსპიტალური. ამ თემაში განიხილება მხოლოდ საზოგადოებაში შეძენილი ინფექცია.