მუცლის ტკივილის შეფასება ბავშვებში

მუცლის ტკივილი ბავშვებში გავრცელებული პრობლემაა, რომელიც ხშირად წარმოაჩენს დიაგნოსტიკურ დილემას. მიუხედავად იმისა, რომ ამ ეპიზოდების დიდი უმრავლესობა კეთილთვისებიანი და თვითგანკურნებადია, მუცლის მუდმივი ტკივილი შეიძლება მიანიშნებდეს პათოლოგიაზე, რომელიც მოითხოვს გადაუდებელ ჩარევას. მუცლის მწვავე ტკივილს განაპირობებს დაავადებათა ფართო სპექტრი, რომელთაგან რამდენიმე გადაუდებელ მდგომარეობას წარმოადგენს (მაგ. მწვავე აპენდიციტი). დროულ შეფასებას და ჩარევას კრიტიკული მნიშვნელობა აქვს მუცლის ტკივილის მქონე ბავშვებში.

მრავალი ეტიოლოგია შეიძლება იყოს მუცლის ტკივილის მიზეზი, ამიტომ დიაგნოზის დადგენა ხშირად რთულდება. უმრავლეს შემთხვევაში, საფუძვლიანმა ანამნეზმა და გასინჯვამ შეიძლება შეამციროს დიფერენციული დიაგნოზების რაოდენობა. დიაგნოზის დასადასტურებლად, ზოგჯერ, საჭირო ხდება დამატებითი გამოკვლევები.

უფრო მეტიც, ყოვლისმომცველი ანამნეზის მიღება ხშირად რთულია მშობლების ან მეურვეების დახმარებითაც კი, ამიტომ, დიაგნოსტიკა პრაქტიკულად ეყრდნობა ექიმის კლინიკურ ინტუიციას.