კლდოვანი მთის ლაქოვანი ცხელება

კლდოვანი მთის ლაქოვანი ცხელება შეტყობინებადი დაავადებაა. შეიძლება იყოს ფატალური, ადრეული მკურნალობის გარეშე.

დოქსიციკლინი არჩევის პრეპარატია ნებისმიერი ასაკის პაციენტისთვის, თითქმის ყოველთვის განკურნავს ინფექციას იმ შემთხვევაში, თუ მკურნალობა დაიწყება ავადმყოფობის პირველი 5 დღის განმავლობაში. სიკვდილობის რისკი იმატებს თუ მკურნალობა არ დაიწყება ავადმყოფობის პირველ ხუთ დღეში. შესაბამისად, კლდოვანი მთების ლაქოვან ცხელებაზე ეჭვის შემთხვევაში, უნდა დაინიშნოს დოქსიციკლინი მანამ, სანამ ხელმისაწვდომი იქნება შესაბამის დიაგნოსტიკურ ტესტებზე პასუხი.

ძალიან რთულია ნიშნების და სიმპტომების გარჩევა სხვა ფართოდ გავრცელებული ვირუსული ინფექციებისგან, რაც იწვევს დაგვიანებულ დიაგნოზს. დიაგნოზის განხილვა უნდა მოხდეს შესაბამისი კლინიკური გამოვლინების მქონე ნებისმიერ ადამიანში და უახლოეს წარსულში შენობის გარეთ ექსპოზიციის შემთხვევაში. დოქსიციკლინი არის არჩევის პრეპარატი ნებისმიერი ასაკის პაციენტებში და განსაკუთრებით ეფექტურია ავადმყოფობის დაწყებიდან პირველი 5 დღის განმავლობაში.

სხვა ტკიპისმიერი რიკეტსიებით გამოწვეული ინფექციებისგან განსხვავებით ამ შემთხვევაში არ გვაქვს ტკიპის ნაკბენ ადგილზე დამახასიათებელი ფუფხი ან ქეცი. ტკიპის კბენის ანამნეზი შემთხვევათა თითქმის ნახევარში არ ვლინდება.

კლდოვანი მთების ლაქოვანი ცხელება (RMSF) არის სისტემური ვასკულიტი, რომელსაც იწვევს Rickettsia rickettsii, ტკიპისმიერი, გრამუარყოფითი, უჯრედშიდა ბაქტერია.[1]Biggs HM, Behravesh CB, Bradley KK, et al. Diagnosis and management of tickborne rickettsial diseases: Rocky Mountain spotted fever and other spotted fever group rickettsioses, ehrlichioses, and anaplasmosis - United States. MMWR Recomm Rep. 2016;65:1-44. http://www.cdc.gov/mmwr/volumes/65/rr/rr6502a1.htm http://www.ncbi.nlm.nih.gov/pubmed/27172113?tool=bestpractice.com Rickettsia rickettsii არის ერთ-ერთი ბაქტერია ლაქოვანი ცხელების ჯგუფიდან (SFG) და მჭიდროდაა დაკავშირებული ჯგუფის სხვა წევრებთან, როგორც გენეტიკური, ისე ანტიგენური მახასიათებლებით. ის ჩრდილოეთ ამერიკაში ყველაზე ხშირად გამოვლენილი რიკეტსიული ინფექციაა ლაქოვანი ცხელების ჯგუფიდან (SFG) და აშშ-ში ტკიპით გადაცემადი ინფექციებიდან სიკვდილობის ყველაზე დიდი წილი ამ დაავადებაზე მოდის.[2]Drexler NA, Dahlgren FS, Heitman KN, et al. National surveillance of spotted fever group rickettsioses in the United States, 2008-2012. Am J Trop Med Hyg. 2016;94:26-34. http://www.ncbi.nlm.nih.gov/pubmed/26324732?tool=bestpractice.com [3]Openshaw JJ, Swerdlow DL, Krebs JW, et al. Rocky mountain spotted fever in the United States, 2000-2007: interpreting contemporary increases in incidence. Am J Trop Med Hyg. 2010;83:174-182. http://www.ajtmh.org/content/83/1/174.long http://www.ncbi.nlm.nih.gov/pubmed/20595498?tool=bestpractice.com სხვა რიკეტსიული ინფექციები განხილულია ცალკე, თემაში - რიკეტსიული დაავადებები.