გენიტალური ტრაქტის ქლამიდიური ინფექცია

ბოლო მიმოხილვა: 5 ნოემბერი 2020

ბოლო განახლება: 08 თებერვალი 2019

შარდსასქესო გზების ქლამიდიური ინფექცია ერთერთი ყველაზე ხშირი სქსობრივი გზით გადამდები დაავადებაა.

მრავალი ინფიცირებული ადამიანი უსიმპტომოა.

ქალებში შეიძლება იყოს საშვილოსნოს ყელის ანთება ან ყვითელი, შემღვრეული გამონადენი საშვილოსნოს ყელიდან.

მამაკაცებში შეიძლება იყოს გამონადენი ასოდან.

ხელმისაწვდომია არა-კულტურის მეთოდები, როგორიცაა ნუკლეინის მჟავას ამპლიფიკაცია. ტესტები მამაკაცებში ხორციელდება შარდის ან ურეთრულ ნიმუშებზე. ტესტები ქალებში ხორციელდება შარდის, საშვილოსნოს ყელის, ან თვითშეგროვილ ვაგინალურ ნიმუშებზე.

არა ნამკურნალები ან არაადეკვატურად ნამკურნალები პაციენტები არიან შესაძლო აღმავალი ინფექციის და შემდგომი გართულებების რისკის ქვეშ. პაციენტები ასევე ქმნიან ინფექციის სქესობრივ პარტნიორებზე გავრცელების რისკს.

განსაზღვრება

უროგენიტალური ქლამიდიის ინფექცია მსოფიოში გავრცელებული ინფექციაა, რომელიც სქესობრივი გზით გადაეცემა (სგგი; ასევე ცნობილი როგორც სქესობრივი გზით გადამდები დაავადება, სგგდ). გამომწვევი ორგანიზმია Chlamydia trachomatis. ინფექცია, ჩვეულებრივ, ასიმპტომურია როგორც მამაკაცებში, ისე ქალებში.[1]

ქალებში ქლამიდიის ინფექცია უფრო მეტად ენდოცერვიკალურ არხში ვითარდება. ზოგიერთ ქალს, რომელსაც აქვს საშვილოსნოს ყელის ქლამიდიის გაურთულებელი ინფექცია, უკვე აქვს ზედა რეპროდუქციული ტრაქტის სუბკლინიკური ინფექციები დიაგნოზის დასმისას. სიმპტომები შეიძლება მოიცავდეს ინტრამენსტრუალურ ან პოსტკოიტურ სისხლდენას; უსუნო, მუკოიდურ ვაგინალურ გამონადენს; მენჯის ტკივილს; ან დიზურიას. მამაკაცებში ინფექცია შეიძლება მოხდეს ურეთრაში, რამაც შეიძლება გამოიწვიოს ასოდან გამონადენი.

არა ნამკურნალებმა ან არაადეკვატურად ნამკურნალებმა ქლამიდიის ინფექციებმა შეიძლება გამოიწვიოს უფრო სერიოზული პრობლემები, როგორიცაა მენჯის ანთებითი დაავადება (PID), საშვილოსნოსგარე ორსულობა და უნაყოფობა ქალებში და ეპიდიდიმიტი და პროსტატიტი მამაკაცებში.