ოსტეოართრიტი

სახსრის დეგენერაციული დაავადება,რომლის გავრცელებაც ასაკის მატებასთან ერთად იზრდება.

ყველაზე ხშირად მუხლის, მენჯ-ბარძაყის, ზედა კიდურების სახსრები, წელისა და კისრის მალები ზიანდება

დაავადება ვლინდება სახსრის ტკივილითა და გაშეშებით , რაც , ფიზიკური დატვირთვისას უარესდება.

რადიოგრაფულ გამოკვლევებზე ისახება შემცირებული სასახსრე სივრცე, სუბქონდრალური სკლეროზი და ოსტეოფიტები.

მკურნალობა ფარმაკოლოგიურ და არამედიკამენტურ თერაპიას მოიცავს.

შორს წასული შემთხვევების დროს, ოსტეოართრიტით გამოწვეული ტკივილის ეფექტური მართვა სახსრის ჩანაცვლების ოპერაციითაა შესაძლებელი.

ოსტეოართრიტი იმ მექანიკური და ბიოლოგიური პროცესესების შედეგად ვითარდება, რომლებიც სასახსრე ხრტილის ქონდროციტების, არაუჯრედოვანი მატრიქსისა და სუბქონდრალური ძვლის ნორმალური რეკონსტრუქციის დესტაბილიზაციას იწვევს. პროცესი მთლიან სახსარს მოიცავს, მათ შორის სასახსრე ხრტილს, სუბქონდრალურ ძვალს, სასახსრე კაფსულის გარშემო არსებულ კუნთებს, სასახსრე კაფსულასა და სინოვიუმს. აღნიშნული მდგომარეობა ხრტილის ჩამოშლას, სუბქონდრალური ძვლის სკლეროზსა და დეგენერაციულ ცვლილებებს, ოსტეოფიტებისა და სუბქონდრალური ცისტების ფორმირებას იწვევს. მდგომარეობა კლინიკურად სახსრის ტკივილით, გაშეშებითა და ფუნქციის შეზღუდვით ხასიათდება. ოსტეოართრიტის ტიპები[1]Sharma L, Kapoor D, Issa S. Epidemiology of osteoarthritis: an update. Curr Opin Rheumatol. 2006;18:147-156. http://www.ncbi.nlm.nih.gov/pubmed/16462520?tool=bestpractice.com [2]Hunter DJ, Felson DT. Osteoarthritis. BMJ. 2006;332:639-642. http://www.ncbi.nlm.nih.gov/pubmed/16543327?tool=bestpractice.com